美心西餅 (花都廣場)

营业中

休息中

为咗满足家中两只小鬼嘅愿望~~食蛋糕同吹蜡烛，所以农历生日当晚喺屋企开餐，跟住就切蛋糕!其中一个原因系傻姑姐想同佢哋影相啰!法国朱古力黑森林蛋糕朱古力蛋糕从来都系B头首选，再加上呢个有士多啤梨喺面，B头嘅至爱士多啤梨。其实每次有人生日要买蛋糕，对于生日嘅主角嚟讲都冇乜所谓，都系以B头喜好去决定，而妹B就有得食就ok!讲到呢个蛋糕，用料真系冇得输!蛋糕用上一系列嘅法国食材，全部都标榜系一级材料包括法国朱古力、法国巴伐利亚式忌廉Bavarois cream 、法国朱古力车厘子慕丝等，饼底更用上法国直送嘅海盐焦糖脆脆。外面比长型嘅朱古力脆片包围住，其实好有比大树包围嘅神秘黑森林感觉。内层因为有车厘子酱，所以食落酸酸地中和咗蛋糕同cream嘅甜，再以法国海盐焦糖脆脆作饼底，令成个蛋糕层次感好丰富。