三公台灣料理 (已結業)

本身系楼下睇紧Bearbrick开仓，系一楼居然有一排1000%系窗边，原来系一间台式Cafe。仲要开咗冇耐，就食个晚饭试吓。有卤肉饭、拌面、小食、台饮、甜品等供应。今次就食海苔银鱼卤肉饭、香酥排骨椒麻拌面、安平虾卷拼淡水花枝饼，仲有个好eye catching嘅Black Pink 盐酥鸡。盐酥鸡个颜色好抢，黑色脆皮加上粉红色嘅沙律酱，而且味道仲好好添。安平虾卷拼淡水花枝饼都好好食。主食会跟埋沙律，银鱼炸得香口，卤肉饭有大量冬菇粒，唔会有油腻感。椒麻拌面都好惹味。跟餐加钱可以转其他台饮。最后仲加咗个甜品百香果白玉爱玉。呢个真系好咁食完炸嘢食，白玉QQ弹、爱玉滑漏，加埋百香果仲有青柠汁酸酸甜甜好醒神。