影片
更多
2023-12-20
91 浏览
久违地同朋友叙旧，睇OpenRice 呢间有吧枱同omakase，胆粗粗就入嚟试吓。侍应哥哥好有礼貌，主动俾吧枱我哋坐。呢度绿茶系自己按比例冲，绿茶粉都出面好贴心写咗比例，跟住比例冲觉得绿茶嘅香味啱啱好又唔会太浓。睇完餐牌觉得太多嘢食好吸引，最后都系冇嗌到omakase。首先师傅上咗个火炙寿司成盒，寿司饭已经调过味，放少少Wasabi就已经好足够。火炙寿司入口即溶，左口鱼同吞拿食完成口都系鱼油香，配上寿司饭香而不腻，我同朋友都食唔停口。之后就系三文鱼子海胆饭，视觉望落去已经超震撼，啲料多过饭好多，啖啖都感受到三文鱼子喺个口爆开嘅甜味，加上海胆嘅鲜味，同样调过味嘅饭底，啖啖都超满足！软壳蟹三文鱼反卷亦有惊喜，软壳蟹炸到好脆，配埋沙律酱咬落去口感丰富。为食嘅我哋仲嗌咗个寿喜烧，汤底味道适中，唔会过甜。除咗牛肉，配菜仲有豆腐大葱娃娃菜芋丝，每一样都系劲吸汤底，配埋个蛋液，一碗白饭眨吓眼竟然食晒。小菜方面，我哋嗌咗𩽾𩾌鱼肝同原只矶煮鲍鱼。朋友第一次食鱼肝有啲唔惯，食过嘅我反而觉得相当唔错，鱼缸味道相当浓郁，但又唔会好腥。不过唔钟意食内脏嘅朋友可能冇乜兴趣。鲍鱼唔韧，但味道偏咸。整体嚟讲，呢餐满
呢度绿茶系自己按比例冲，绿茶粉都出面好贴心写咗比例，跟住比例冲觉得绿茶嘅香味啱啱好又唔会太浓。
睇完餐牌觉得太多嘢食好吸引，最后都系冇嗌到omakase。首先师傅上咗个火炙寿司成盒，寿司饭已经调过味，放少少Wasabi就已经好足够。火炙寿司入口即溶，左口鱼同吞拿食完成口都系鱼油香，配上寿司饭香而不腻，我同朋友都食唔停口。
之后就系三文鱼子海胆饭，视觉望落去已经超震撼，啲料多过饭好多，啖啖都感受到三文鱼子喺个口爆开嘅甜味，加上海胆嘅鲜味，同样调过味嘅饭底，啖啖都超满足！
软壳蟹三文鱼反卷亦有惊喜，软壳蟹炸到好脆，配埋沙律酱咬落去口感丰富。
为食嘅我哋仲嗌咗个寿喜烧，汤底味道适中，唔会过甜。除咗牛肉，配菜仲有豆腐大葱娃娃菜芋丝，每一样都系劲吸汤底，配埋个蛋液，一碗白饭眨吓眼竟然食晒。
小菜方面，我哋嗌咗𩽾𩾌鱼肝同原只矶煮鲍鱼。朋友第一次食鱼肝有啲唔惯，食过嘅我反而觉得相当唔错，鱼缸味道相当浓郁，但又唔会好腥。不过唔钟意食内脏嘅朋友可能冇乜兴趣。鲍鱼唔韧，但味道偏咸。
整体嚟讲，呢餐满意度都好高，我同朋友都食到好饱。埋单都系每人350，高质过食放题。最正喺呢度个list劲多元化，韩文英文新歌旧歌全部都齐，听住钟意嘅音乐食日本料理，一大享受！原来除咗黄埔仲有其他地方有分店，下次可以同男朋友试下！
张贴
