影片
更多
2017-08-23
1435 浏览
呢日嚟到铜锣湾，试试呢间日式串烧店Bilibala Yakitori Bar。餐厅有多款串烧同小食，选择都唔少。白饭鱼干，将白饭鱼拼埋一齐再炸成薄片，脆口鲜香，真系几啱送酒。玉子蛋，每层都煎得非常薄，咬起嚟湿润松软，同埋有啲甜味，一向钟意食玉子烧嘅同行朋友都好欣赏。店员拎咗三款酱汁嚟，分别系柚子汁、梅子汁同面豉，仲话系用嚟点之后嘅串烧食嘅。餐厅嘅串烧系用类别嚟分，其中鸡肉类就占咗唔少篇幅。大葱鸡肉，鸡肉嫩滑多汁，同大葱一齐食好香口。冲绳苦瓜鸡肉烧，呢款系嚟之前已经想试嘅串烧。嚟自冲绳嘅苦瓜质感爽口兼无苦涩味，仲可以同鸡肉互相中和，表现无令我失望。免治鸡肉棒，免治鸡肉打得松化得嚟又有咬口，蘸埋捞匀之后嘅酱汁同鸡蛋黄，就多添几分滑溜感。银鳕鱼，既大块又够厚，鱼皮烧得焦脆，鱼肉软绵。牛舌，每片都切得几厚身，食起嚟爽嫩带油香，好钟意。日本花竹虾，餐厅特登将佢切成小片，食𠮶时就仲方便。试埋比较饱肚嘅烧饭团，碟上仲有酸酸嘅牛蒡，同埋剪成长条形嘅紫菜片，可以用佢包住饭团嚟食，咁就唔怕米粒会痴手，几细心。海胆烧饭团，顶端嘅海胆浓香，烧饭团外层就有层饭焦，同埋加咗紫菜丝，味道丰富。明太子烧饭团，上面嘅明
呢日嚟到铜锣湾，试试呢间日式串烧店Bilibala Yakitori Bar。
餐厅有多款串烧同小食，选择都唔少。
白饭鱼干，将白饭鱼拼埋一齐再炸成薄片，脆口鲜香，真系几啱送酒。
玉子蛋
24 浏览
0 赞好
0 留言
玉子蛋，每层都煎得非常薄，咬起嚟湿润松软，同埋有啲甜味，一向钟意食玉子烧嘅同行朋友都好欣赏。
店员拎咗三款酱汁嚟，分别系柚子汁、梅子汁同面豉，仲话系用嚟点之后嘅串烧食嘅。
大葱鸡肉、冲绳苦瓜鸡肉烧
34 浏览
0 赞好
0 留言
餐厅嘅串烧系用类别嚟分，其中鸡肉类就占咗唔少篇幅。大葱鸡肉，鸡肉嫩滑多汁，同大葱一齐食好香口。
冲绳苦瓜鸡肉烧，呢款系嚟之前已经想试嘅串烧。嚟自冲绳嘅苦瓜质感爽口兼无苦涩味，仲可以同鸡肉互相中和，表现无令我失望。
免治鸡肉棒，免治鸡肉打得松化得嚟又有咬口，蘸埋捞匀之后嘅酱汁同鸡蛋黄，就多添几分滑溜感。
银鳕鱼，既大块又够厚，鱼皮烧得焦脆，鱼肉软绵。
牛舌
28 浏览
0 赞好
0 留言
牛舌，每片都切得几厚身，食起嚟爽嫩带油香，好钟意。
日本花竹虾，餐厅特登将佢切成小片，食𠮶时就仲方便。
试埋比较饱肚嘅烧饭团，碟上仲有酸酸嘅牛蒡，同埋剪成长条形嘅紫菜片，可以用佢包住饭团嚟食，咁就唔怕米粒会痴手，几细心。
海胆烧饭团，顶端嘅海胆浓香，烧饭团外层就有层饭焦，同埋加咗紫菜丝，味道丰富。
明太子烧饭团，上面嘅明太子份量唔少，几咸鲜惹味，原本以为饭团嘅主体只有米粒，食食吓先发现中间仲包住明太子架。
Kirin Ichiban
9 浏览
0 赞好
0 留言
另外，朋友仲叫咗杯Kirin Ichiban，一边饮啤酒一边食串烧都唔错。
餐厅有部份串烧系搽咗酱汁嚟烧，食起嚟惹味又唔会太咸。烧烤嘅时间又啱啱好，食物仲有肉汁，无出现干身嘅情况，整体嚟讲印象良好。
张贴
