影片
更多
2011-08-05
76 浏览
朋友介绍，谂住一尝呢间上海菜。入到去觉得装修怪怪的，同网页张相相差好远，酒楼唔似酒楼，打冷唔似打冷，连正式餐牌都冇个，得点心纸，款式少到拣唔落手。寿眉冇茶味，茶壶杯碟又怪相，侍应亦冇礼貌...最后拣左五款比较稳阵既菜式：落完单约8~10分钟，开始起筷：鸡丝粉皮 - 真系唔值 $50，份量又少，又冇乜味，粉皮又唔滑又唔爽，冇乜鸡丝同青瓜，酱味又麻麻，食过任何一间食店既鸡丝粉皮都好过佢。半只鸡 - 唔记得只鸡咩名堂，但系只鸡瘦到骨多过肉，皮又唔够香，肉唔滑，冇乜鸡味，又唔足半只，从未见过鸡脾切得两旧肉一旧锤仲要系好细旧。小笼包 - 好细粒，普通货色，虽然有汤但系肉味淡，$36/6件唔太值。黑醋茄子排骨煲 - 确实系有个煲，但系只有糖浆冇汁，D糖浆厚到一pat pat，D油仲多到成煲野闪令令，茄子有皮冇肉仲咬唔烂，排骨同豆角只系食到糖浆味而唔觉系黑醋味...多油多糖都叫「有营」？水煮鱼 - no comment，因为我冇食，朋友就话好辣，似鱼柳多过新鲜鱼肉。上海粗炒 - 最后先上台，好细碟，好似要$4x定$5x，连茶餐厅货色都不如，又硬又干又冇料，肉都冇多块，真系斋炒乌冬。食完个个都好似冇食
入到去觉得装修怪怪的，同网页张相相差好远，酒楼唔似酒楼，打冷唔似打冷，
连正式餐牌都冇个，得点心纸，款式少到拣唔落手。
寿眉冇茶味，茶壶杯碟又怪相，侍应亦冇礼貌...最后拣左五款比较稳阵既菜式：
落完单约8~10分钟，开始起筷：
鸡丝粉皮 - 真系唔值 $50，份量又少，又冇乜味，粉皮又唔滑又唔爽，冇乜鸡丝同青瓜，酱味又麻麻，食过任何一间食店既鸡丝粉皮都好过佢。
半只鸡 - 唔记得只鸡咩名堂，但系只鸡瘦到骨多过肉，皮又唔够香，肉唔滑，冇乜鸡味，又唔足半只，从未见过鸡脾切得两旧肉一旧锤仲要系好细旧。
小笼包 - 好细粒，普通货色，虽然有汤但系肉味淡，$36/6件唔太值。
黑醋茄子排骨煲 - 确实系有个煲，但系只有糖浆冇汁，D糖浆厚到一pat pat，D油仲多到成煲野闪令令，茄子有皮冇肉仲咬唔烂，排骨同豆角只系食到糖浆味而唔觉系黑醋味...多油多糖都叫「有营」？
水煮鱼 - no comment，因为我冇食，朋友就话好辣，似鱼柳多过新鲜鱼肉。
上海粗炒 - 最后先上台，好细碟，好似要$4x定$5x，连茶餐厅货色都不如，又硬又干又冇料，肉都冇多块，真系斋炒乌冬。
食完个个都好似冇食过野咁，我就净系觉得食左好多油落肚，完全冇营！
最后侍应见我地碟碟差唔多清晒，连唔好意思 / 唔该都冇声就急急脚收晒D碗碟，好似想赶客咁。
埋单三百几，一D都唔值。
估唔到稻香集团会出产呢种质素既食馆，客家好栈同稻香酒家都唔会差成咁，以后唔会再黎「上楼」。
张贴
