影片
更多
2024-06-27
2250 浏览
啱啱过去嘅一星期系Black Series，而今次Black Sheep一样都做咗好多 promotion，只要上网订枱就可以好抵咁食到佢哋嘅餐厅~ 上星期五我哋last minutes 八点先嚟订枱，好好彩咁都book到中环SOHO La Vache! Black Series set！ 平时嚟食扒每位要$398，Black Series 期间每位只要$368，仲要送甜品！！真系超抵食！ 合桃沙律同平时一样，唔算好特别，牛扒我哋叫咗medium rare，主要系考虑到呢度嘅牛扒上菜嘅时候会有蜡烛保温，如果嗌得太熟嘅话加埋蜡烛，就会比较老，呢点大家可能决定生熟嘅时候都可以考虑埋~另外薯条系无限refill嘅，不过今次食嘅薯条就冇上次咁好食，淋得好快，亦都冇上次咁脆😢 甜品！！非常重要！！La Vache！系有自己嘅甜品 trolley，以往就咁嚟食甜品系要另外加钱，而佢哋嘅甜品都唔系特别平，但今次嘅promotion包咗每位一份甜品，有三个选择可以比大家拣！因为我哋入座都比较晏，柠檬批已经售罄，所以就变咗甜品柜任拣😝😝 我哋最后系拣咗黑森林蛋糕同士多啤梨拿破仑，两份都唔错，黑森林蛋糕
上星期五我哋last minutes 八点先嚟订枱，好好彩咁都book到中环SOHO La Vache! Black Series set！ 平时嚟食扒每位要$398，Black Series 期间每位只要$368，仲要送甜品！！真系超抵食！
合桃沙律同平时一样，唔算好特别，牛扒我哋叫咗medium rare，主要系考虑到呢度嘅牛扒上菜嘅时候会有蜡烛保温，如果嗌得太熟嘅话加埋蜡烛，就会比较老，呢点大家可能决定生熟嘅时候都可以考虑埋~另外薯条系无限refill嘅，不过今次食嘅薯条就冇上次咁好食，淋得好快，亦都冇上次咁脆😢
甜品！！非常重要！！La Vache！系有自己嘅甜品 trolley，以往就咁嚟食甜品系要另外加钱，而佢哋嘅甜品都唔系特别平，但今次嘅promotion包咗每位一份甜品，有三个选择可以比大家拣！因为我哋入座都比较晏，柠檬批已经售罄，所以就变咗甜品柜任拣😝😝
我哋最后系拣咗黑森林蛋糕同士多啤梨拿破仑，两份都唔错，黑森林蛋糕朱古力味超浓郁，拿破仑加咗士多啤梨酱亦都比较开胃，两份甜品真系好饱，大满足！
张贴
