好媽媽台灣館 (已結業)

甚少写食评，不过今次唔写，对唔住已中伏嘅自己同将中伏嘅食客。 见「好妈妈」咁多好评，于是晚上同老公去试试，叫咗 台湾牛肉面、卤水鸡翼、紫菜豆腐蚵仔汤等。牛肉面面条烟韧不错，但用咗牛展都煮唔淋，萝卜有渣又唔入味，汤底偏酸咸，又唔系酸辣汤，麻麻地；卤水鸡翼冇卤水味，系冇味至啱，仲要过熟，唔好食；紫菜豆腐蚵仔汤好饮(未察觉系咪味精)，豆腐好滑，但睇真d原来系有添加盒装豆腐，难怪啦!食𠮶阵净系知整体唔好食，都未知自己中哂伏！由晚饭到依家六个钟，个口好鞋，非常口渴，成晚疯狂饮水，就知自己饮咗好多味精落肚，依家都好唔舒服。系个面定个汤，定样样都加重料就不得而知......好妈妈唔会畀成堆味精我食落肚，唔好再扮好妈妈...