影片
更多
2023-04-10
123 浏览
呢间餐厅我book mark咗好耐，今次终于有机会嚟食，点知原来系个伏𠮶度系出去落order即刻俾钱，我叫咗海盐焦糖鸡翼，焦糖香蕉云呢拿雪糕配牛角酥窝夫，北海道刺身带子蟹籽忌廉扁意粉，最尾加个鸡软骨饺子，个职员问我系咪要加side dish𠮶个(+$28)，我话系，比完钱就返埋位cashier个位好高，我又生得矮，佢哋个音乐又好大声，我又戴住口罩，其实已经好难听到对方讲咩，但系落单𠮶位职员同佢后面𠮶位同事唔知系讲紧嘢定玩紧(?)，成日冇喇喇系到笑，落单期间，有几次都因为我唔知佢有冇听紧我讲嘢，而我要等佢有反应，我先继续落单，其实落单都系几分钟嘅事，可唔可以专心一阵，落完单先继续玩？！落完单我朋友嚟到，我哋拣埋嘢饮，朋友再出去落单，朋友谂住同我庆祝生日，出到去cashier叫佢写Happy Birthday+(我个名)喺个甜品到同叫嘢饮，点知落单𠮶𠮶职员(好似系头先喺后面笑个𠮶)又冇喇喇系咁笑，仲话你叫冻饮冇得写字，乜料？！我个朋友最后再comfirm多次同串多次我个名，点知嚟到嘅系…朋友之后同我讲返，佢谂住去餐厅之前打去同餐厅讲喺甜品到写字，点知打极都冇人听🤷🏻♀️杯抹茶好难饮，两杯都
𠮶度系出去落order即刻俾钱，我叫咗海盐焦糖鸡翼，焦糖香蕉云呢拿雪糕配牛角酥窝夫，北海道刺身带子蟹籽忌廉扁意粉，最尾加个鸡软骨饺子，个职员问我系咪要加side dish𠮶个(+$28)，我话系，比完钱就返埋位
cashier个位好高，我又生得矮，佢哋个音乐又好大声，我又戴住口罩，其实已经好难听到对方讲咩，但系落单𠮶位职员同佢后面𠮶位同事唔知系讲紧嘢定玩紧(?)，成日冇喇喇系到笑，落单期间，有几次都因为我唔知佢有冇听紧我讲嘢，而我要等佢有反应，我先继续落单，其实落单都系几分钟嘅事，可唔可以专心一阵，落完单先继续玩？！
落完单我朋友嚟到，我哋拣埋嘢饮，朋友再出去落单，朋友谂住同我庆祝生日，出到去cashier叫佢写Happy Birthday+(我个名)喺个甜品到同叫嘢饮，点知落单𠮶𠮶职员(好似系头先喺后面笑个𠮶)又冇喇喇系咁笑，仲话你叫冻饮冇得写字，乜料？！我个朋友最后再comfirm多次同串多次我个名，点知嚟到嘅系…
朋友之后同我讲返，佢谂住去餐厅之前打去同餐厅讲喺甜品到写字，点知打极都冇人听🤷🏻♀️
杯抹茶好难饮，两杯都叫咗少冰，但系成杯都系冰
鸡翼好干，唔知焦糖个焦系边，得蜜糖
意粉正常，冇特别
牛角酥窝夫，好烟靭，冇啲牙力都咬唔到🙂
我返到屋企我同朋友计返钱，屎忽痕计下条数，点知发现收多咗$40，我之后个日打返去餐厅，好多次都冇人听，之后ig有dm佢地，冇人应，最后终于喺fb揾到有个whatsapp系有人回覆
我同佢讲返，佢话“我地有两个potion side dish potion 会细D 要注明order 你𠮶个系全份 正常potion”，我心谂，你menu冇写一份有几多，我当时唔会知我食个份系咩potion
之后佢仲要问我“咁你最后 碟饺子有几多条？”，我答3，其实我最后碟饺子有几多条，佢地都系有问题，首先我系要加side dish(+$28)，仲要系啲职员confirm咗系要side dish，你收多我$40都已经讲唔通，第二，我唔会知系有分两个potion，就算我食3条定5条都唔应该要我比多$40，第三，如果我真系知道正常potion系要俾多$40先多两条，我会唔会咁蠢会叫正常potion
过咗一日，佢竟然覆我”你下次嚟补返2 条饺子俾你 🙏🏻”，吓？吓？吓？，有冇事呀？我唔会再帮趁你，你仲要我特登过嚟食你两条饺子？仲要你个两条饺子根本唔值$40！
虽然最后佢系payme返我，但唔好意思都冇句，搞咗我两日，我同朋友讲，佢话真系要blacklist呢间餐厅，成间餐厅得𠮶个男仔态度系好，真系做嘢，其他女仔同whatsapp个个人(我谂系大粒嘢🤔)都唔知想点
去呢间食真系要check单！！！
虽然冇加一服务费，但系都冇谂过冇服务到咁🤷🏻♀️
另外，厕所系坏嘅，话要过对面马路嘅公厕，我睇到之前啲食评都系讲过呢个问题，我谂应该系长期坏嘅🤷🏻♀️
张贴
