Chapter 3 Steak Bar & Restaurant (已結業)

一入到餐厅就俾墙上几幅嘅巨型壁画吸引住，彷佛自己好似去咗南美，第一时间就谂到足球，如果喺度睇足球一定好有气氛。一坐低打开个Menu就见到一杯叫做Blue Diamond嘅Cocktail，好靓比佢个外貌吸引住所以一定要叫，佢主要成份系荔枝、青柠同埋vodka ，味道酸酸甜甜令人好开胃。沙律我哋选择左烟三文鱼他他牛油果黑鱼子沙律，而且佢仲会用返牛油果个壳嚟到装住，好精致。主菜我哋选择左两款，第一款系炭烧美国顶级肉眼扒七成熟，当切开牛扒嘅时候，见到好嫩嘅粉红色，就已经胃口大开。第二款系黑森林自家手打薄饼，主要成份系黑松露酱、菇、芝士同埋火箭菜，呢个Pizza黑松露味非常足够，不过最值得一赞嘅系d菇，佢将啲菇切成cube状，比较有口感。