Lab 66 (已結業)

打工仔心态，星期一番工永远最灰最冇心机。收工想Happy下自然想揾D好野食啦。近年旺角既黑布街同白布街都开始有唔少新餐厅开左，Lab66都开左一段日子，今日终于有机会试下。门口望入去都几爆人，好彩二楼都重有位。黑牛即系朱古力雪糕加可乐，雪糕好浓好香朱古力味，相比之下可乐既甜味唔会抢过雪糕的味道。好喜欢雪糕的味道，相当唔错。朱古力入面加入了橙皮同埋奶油，橙皮的味道令朱古力整体的甜味变得相对冇咁甜，但系香味变得丰富了及清香了，唔错的配对。有别于泰式生菜包的辛辣，肉碎的味道似中菜，咸咸地，加上青柠的味道几开胃。配上生菜去食的话，其实我都要番D辣味抄手通常都系红油抄手比较辣同油，呢道的抄手就以醋味为主。抄手入面的鲜虾同猪肉的味道唔错，醋的酸味都几开胃，前菜黎讲几好的选择。一客三串嘅牛柳粒，烧得唔算干身，油脂位同肉嘅比例唔错👌配碟有少许黑椒粒同蜜糖芥末去调味，整体味道唔错芝士蕃茄焗猪柳，蕃茄酱是亮点，味道好浓厚同鲜味，同出面罐头的蕃茄酱感觉好唔同。猪肉劲腍，用刀轻轻一切已经切开，入面重带点粉嫩。配角有炸薯角，配蕃汁去食是常识吧自家制的汉堡一向都好欣赏，亦都食得出佢呢度真系自家制唔系用工厂的汉堡。