影片
更多
2017-05-18
16766 浏览
Blue Monday 要对自己好啲弥补要番工嘅sad mood~所以特别揾左呢间未食过嘅「新放题」板烧郎试食～ ------------------- 星期一至四$229 位，因为book左位，所以2030去到都可以准时入座，一坐低店员就会清楚解释边度拎野食野饮，仲会问要唔要加$88 / $138 upgrade，但$138 加得蟹脚同鲍鱼好似唔多值，于是试下$88果只啦（相对好似多野拣啲） ----------------- 呢度出餐都算几快，平均5分钟都会上到菜，而且唔会漏单～不过灯光有啲暗蓝同座位好逼⋯所以出入有啲难度⋯ 讲下$88 upgrade嘅野食先： -海胆烧法国鹅肝：海胆无咩味，鹅肝煎得好金香，不过底下块青瓜片味道就唔多夹⋯ -铁板烧·美国谷饲和牛：虽然唔系靓和牛，牛味不足，且条切略嫌口感不佳，但已比平时牛肉好味 -铁板烧·北海道大元贝：颇大只但不知为何元贝竟然是苦的⋯所以食完一只已经唔想食埋第二只 -铁板烧·蒲烧鳗鱼：鳗鱼超级大大块，很肥美，令人食得满足，而且再烧之后更加香口 -刺身·美国生蚝：都算几大只，不过完全冇蚝味，即使加左成块柠檬都无助增加鲜甜
Blue Monday 要对自己好啲弥补要番工嘅sad mood~所以特别揾左呢间未食过嘅「新放题」板烧郎试食～
-------------------
星期一至四$229 位，因为book左位，所以2030去到都可以准时入座，一坐低店员就会清楚解释边度拎野食野饮，仲会问要唔要加$88 / $138 upgrade，但$138 加得蟹脚同鲍鱼好似唔多值，于是试下$88果只啦（相对好似多野拣啲）
-----------------
呢度出餐都算几快，平均5分钟都会上到菜，而且唔会漏单～不过灯光有啲暗蓝同座位好逼⋯所以出入有啲难度⋯
讲下$88 upgrade嘅野食先：
-海胆烧法国鹅肝：海胆无咩味，鹅肝煎得好金香，不过底下块青瓜片味道就唔多夹⋯
-铁板烧·美国谷饲和牛：虽然唔系靓和牛，牛味不足，且条切略嫌口感不佳，但已比平时牛肉好味
-铁板烧·北海道大元贝：颇大只但不知为何元贝竟然是苦的⋯所以食完一只已经唔想食埋第二只
-铁板烧·蒲烧鳗鱼：鳗鱼超级大大块，很肥美，令人食得满足，而且再烧之后更加香口
-刺身·美国生蚝：都算几大只，不过完全冇蚝味，即使加左成块柠檬都无助增加鲜甜感
-刺身·珍宝赤虾：完全唔明白咩叫珍宝⋯无「珍宝」之实⋯好似出边食到嘅甜虾size...仲留住成条虾肠喺度⋯
-刺身：中拖罗：第一次食到弹牙嘅拖罗⋯口感非常奇怪，而且冇拖罗应有嘅味道⋯真系连普通吞拿都称唔上
讲完加价放题，就讲下唔使写order纸，出面都拎到嘅嘢食啦：
-沙参肉竹炖龙趸汤（个汤系送嘅，每位一盅；汤几有药材味，亦有好多料，唔系味精水，都算ok 嘅）
-凉拌川式小食（青瓜、云耳&藕苗）：全部调味一般，港式化，无川味嘅「辣」
-泰式酸辣海螺：呢个值得推介，海螺酸酸地好开胃，又唔会靭～
-泰式凤爪：呢个真系唔掂，好似水洗过咁无味之余好水⋯⋯
-铁板烧材料：海鲜有青口圣子蚬赖尿虾墨鱼仔青鱼，同埋瓜菜类等，全部不经腌味，不过尤其海鲜都唔差
至于真正order 纸选项，种类总体比出面多好多，所以如果人唔多都几难试得晒，概括如下：
-日式寿司卷物及刺身：虽然有足足两页纸，但叫晒之后得出嘅结论好似只只差唔多味⋯无运用配料同调味去制造不同层次嘅口感同味道，相对纳闷⋯另外刺身一大问题系全部鱼料无应有油份，好似干尸咁，应该系一早准备好再跟单执
-铁板烧：同样问题再次发生，睇order 纸以为有好多唔同嘅口味，但可能腌料时间不足，食到只有盐味⋯即使芝士或辛口嘅都无味⋯⋯同埋必须讲嘅烧海虾真系好恐怖⋯黎到颜色已经劲似佳实卖紧十几蚊磅果啲红虾仔，点知烧完更腥⋯
-泰越菜式：做得相对好啲，冬阴公ok只系唔够酸辣，鸡丝粉卷除左块皮厚啲味道其实唔差，不过生虾刺身就packing 货无虾味，虾饼鱼饼店员亦傻傻分不清⋯⋯同埋炸得超㶶超硬⋯
最后甜品方面，有甜品同雪糕柜，甜品有唔同口味嘅大菜糕，全部都唔会好甜，而且几清淡，适合夏天时节同埋食完肉类一等肥腻食物后食～雪糕有较少有嘅豆腐味同绿茶味，都算有诚意
张贴
