合十 (已結業)

喺网上见到呢间🔸Fusion Tens🔸 有一个户外用餐位置, 挂满灯仔好吸引, 所以就约埋朋友一齐去试吓。一入到餐厅就觉得充满Boho 风, 再行出少少就见到满天星嘅户外位置喇, 可能因为中午仲有日光所以d 满天星唔算太突出, 相信夜晚会有不一样嘅感觉。🍽 60度温泉蛋卡邦尼意粉意粉present 得好靓, 有Parmesan cheese 同香草放喺面。意粉除咗有温泉蛋, 仲有烟肉, 杂菌同洋葱。意粉软硬适中, 酱汁做得好 Creamy, 浓浓嘅忌廉同芝士味, 捞埋温泉蛋一齐食就更加顺滑, 条条意粉都可以挂汁。🍽 巨型猪扒跟薯菜虽然猪扒比手掌大, 不过又比想像中细, 可能因为巨型呢2粒字惹来无限遐想😝 猪扒即叫即整, 烧得好香, 充满浓浓肉汁好 Juicy, 而猪扒嘅肉质好软腍, 好食。餐厅好有心思, 有好多打卡位, 气氛好好, 如果要同人庆祝会系一个好好嘅选择。