影片
更多
2018-06-28
148 浏览
成日有人話，法國菜係要用一整晚嚟享受，作為升斗巿民無咩機會去法國，有無機會可以試到呢種享受呢？原來喺銅鑼灣已經可以！今次E Molto Buono 就係老婆仔俾我嘅驚喜，無論係環境、食物都印象深刻！首先係地點，有少少偏離銅鑼灣最旺區域，但落地玻璃一眼望去都好有都市感，食景都開心！而第一道前菜，3款handmake麵包各有口感，已經好有驚喜！芝麻飽、香草飽同芝士脆餅，各自配合香草醬同辣肉醬食，個人最喜歡香草包濃厚味道！然後就係上生蠔喇！先試味道較清爽嘅Pacific Rock，入口滑溜鮮甜，感覺都幾清新！之後就到濃味的Sapin Pearl，衝擊感就大啲，海水味比較重，而且都幾creamy，整體而言味道豐富紮實，好滿足！不過講多少少先，餐本身無包蠔，係我話要加嘅XD兩款蠔原價$88一隻，但有折！Pacific Rock半價，Sapin Pearl就49蚊隻，請老婆食係抵嘅！主菜老婆要咗帶子海膽意大利麵，我就叫咗伊比利亞羊，因為之前睇過新聞，知呢隻羊仔係西班牙新貴，聽聞佢住好食好，所以肉質好好，果然名不虛傳！好有羊味，而且唔覺有騷味，唔知係處理手法得宜定係本身都無咩騷味啦，總之就好易入口，
首先係地點，有少少偏離銅鑼灣最旺區域，但落地玻璃一眼望去都好有都市感，食景都開心！而第一道前菜，3款handmake麵包各有口感，已經好有驚喜！芝麻飽、香草飽同芝士脆餅，各自配合香草醬同辣肉醬食，個人最喜歡香草包濃厚味道！
然後就係上生蠔喇！先試味道較清爽嘅Pacific Rock，入口滑溜鮮甜，感覺都幾清新！之後就到濃味的Sapin Pearl，衝擊感就大啲，海水味比較重，而且都幾creamy，整體而言味道豐富紮實，好滿足！不過講多少少先，餐本身無包蠔，係我話要加嘅XD兩款蠔原價$88一隻，但有折！Pacific Rock半價，Sapin Pearl就49蚊隻，請老婆食係抵嘅！
主菜老婆要咗帶子海膽意大利麵，我就叫咗伊比利亞羊，因為之前睇過新聞，知呢隻羊仔係西班牙新貴，聽聞佢住好食好，所以肉質好好，果然名不虛傳！好有羊味，而且唔覺有騷味，唔知係處理手法得宜定係本身都無咩騷味啦，總之就好易入口，齒頰留香啦！
而意大利麵就好足料，海膽味道滿滿！不過就要快啲食，熱食啲海膽忌廉汁味道係加分！帶子就係慢煮方式嘅，口感同刺身好近似，但又有煮熟嘅帶子鮮味，一絕！侍應話，呢道菜係用刺身級帶子慢煮而成，唔怪得知又大隻又鮮味啦！
不過講到法國菜，不得不提一定係甜品！2款分別係櫻桃乳酪芝士慕絲，同埋綠茶焦糖燉蛋，2個都好有心思！芝士慕絲有啫喱配襯，因為個慕絲真係好濃厚，單食係有少少膩，但加埋清爽啫喱一齊食就完美！至於綠茶焦糖燉蛋非常軟滑，而且綠茶味好集中，感覺非常足料！就係喺呢個完美句號之下，食完呢餐3小時的盛宴！無錯，真係食足3小時，傳說中的法國菜就係咁嘆！
其實仲有湯品、鵝肝、蟹肉卷、中東米沙律無詳細寫，今餐真係好好味又滿足！質量都爆哂燈，當然要好好推薦俾大家啦！紀念日、生日、大時大節，都可以考慮下！
张贴
