The Coffeeology (已結業)

呢间简约水泥风💛💛cafe the coffeeology一直系唔少人打卡必去嘅cafes之一，我都bookmark咗好耐都仲未去，今次终于有机会去一尝ig好hit嘅抹茶双层cheesecake同matcha latte，店内位置唔多，最多只坐到7枱，就算weekday下午都要排一段时间，不过可以坐室外位置，都几开扬，感觉几chill。Matcha Cheesecake唔少人都系为咗signature嘅双层cheesecake而嚟，我都唔例外，本身想试芝麻味多啲不过呢日就冇供应。Cheesecake卖相好吸引😻，分开原味同抹茶2层，食落好creamy软滑，一入口都会食到啲抹茶味，不过食食下，cream cheese本身既酸香比较突出，抹茶味较淡，如果浓啲就会好啲，而且食食下都有啲漏，同朋友share就更好。Iced Matcha Latte渐层嘅颜色+满满嘅泡沫同样好适合打卡，一开始未完全沟匀嚟饮，抹茶个层饮落好苦😂不过沟匀之后就明白点解佢系苦得有道理😛😛奶泡好厚但抹茶嘅甘味依然突出，味道浓郁醇厚，唔会觉得涩，呢排饮开咖啡已经好耐冇饮过matcha latte喇，呢个对于我嚟讲都几满意