Boy n Burger (已結業)

全城抗疫，今晚晚餐食外卖，去左湾仔庄士敦道既汉堡包店买外卖，我食过既友人话抵食同平靓正。餐牌有几款汉堡，迷你汉堡，小食，炸鸡同饮品。今次叫左两个汉堡，两份小食同两支饮品。落单后，食物即叫即整。店员话呢度既食物质素经过严格管制。等左一阵就可以攞，劲快。墨西哥辣椒汉堡 $39墨西哥辣椒汉堡系新口味，系松软汉堡包配一块牛肉汉堡扒，热熔芝士，墨西哥辣椒，洋葱碎同墨西哥蛋黄酱，份量唔算大。墨西哥辣椒坚辣，成个汉堡食落少少辣，味道都唔错，感觉唔太油腻。Bobby 汉堡 $58Bobby 汉堡系白芝麻粒汉堡包配双层牛肉汉堡扒，热熔芝士，本地新鲜生菜，番茄，洋葱粒，自家腌制青瓜及自家秘制酱汁。牛肉汉堡扒煎得外皮脆脆地。本地新鲜生菜份量非常多。食落都唔会太干。汉堡系用纸包好再放入纸盒，所以个包系较稔𠮶种。香脆厚切薯条 $22香脆厚切薯条好好食，份量唔少，炸得外脆内软，口感好好，仲可以走盐，加茄汁非常好食，茄汁自己喺自助区㩒出黎。Chicken Thigh $26Chicken Thigh得一件，不过都大大件，块皮炸得超脆口，少少辣，而入面既肉质都仲嫩。橙汁 $30橙汁系支装，味道唔假，感觉非常健康。餐厅