The BASE nature (已結業)

唔算多系荃湾食野，系荃湾行开想揾个地方食tea，见到呢到有Brunch Menu，价钱唔算太贵就同另一半系到叹Brunch。环境位于荃新天地，有商场座位、窗边位置，系商场内较入既位置，都比较宁静啲，环境唔错。餐牌下午四时到访，仍有Brunch Menu，选择多元化，有Salad, Pasta, 各式面包类。澳洲草饲牛肉汉堡配薯格 $95 上枱见到色泽好靓，好特别地有配肉酱系上面，试左蕃茄先，煎得好香且清甜，面包够脆，牛肉口感同质地moisty，预定五成熟，虽然应该唔止五成，但估计因为系草饲，所以好软熟，仲会有牵丝既质地，绝不会死实实。至于薯格亦够香口，包饮品，价钱与质素可接受。印度烤鸡薄饼卷 $78 应该系即点即烤，所以要少少时间，上枱热辣辣。唔系用食wrap果款面皮，而系用酥皮印度薄饼做外层，够哂香口，烤鸡唔会老，酱汁惹味，整体不错。泰式奶茶 +$8 色泽呈橙色，饮落唔太甜，几重奶味。跟餐：草本水蜜桃茶另外跟餐要左杯草本水蜜桃茶，用茶包，上枱形式可以靓啲。总括嚟讲，个草饲牛肉汉堡几有记忆点，确实食到草饲牛肉同平时食既有分别，几岩我口味，烤鸡卷用印度薄去wrap亦几特别，会再嚟帮衬。