Fang Fang (已結業)

星期六心情特别靓，于是约埋闺蜜去食 Sat brunch ，我哋仲特别拣左兰桂坊 LKF Tower 里面一间好洋化的中菜，估唔到星期六下昼都咁多老外客人，气氛很热闹。好钟意呢度环境。星期六冇百几元的 lunch set，只有 brunch 每位398，放假食得丰富啲都啱嘅。前菜点心任食，我哋全部试晒，冇想到份量咁多，食得真饱。餐牌只得英文，点心有少少估佢唔到，第一款猪肉饺子就即系烧卖，上面有啲绿色鱼子，第二款蒸素饺子好丰富味道，春卷估得到，炸鸡饺子即是咸水角。泰式虾好有鸡尾酒小食 feel ，酸甜的。这款四川鸡粒真系几辣。好欣赏呢个菠菜 fusion 沙律，豉油汁调味。椒盐豆腐粒，豆腐非常香滑。Whole Boston lobster主菜每人拣一，我梗系唔执输㨂龙虾，泰式酸甜酱汁，份量很多，送饭真系唔错。Pandan Prawns 朋友拣咗班兰，香口大只。伸一人一个甜品，今日真系大满足。