麵 (已結業)

最近经朋友介绍，黎试中环一间新潮面店。门面写上一大个「面」字，原来就系店名啦！环境唔算大，但坐得舒服。主打无味精制作，用上新鲜食材同天然材料烹调。店员态度非常友善，慢慢为我哋介绍佢地既 menu 🙂首先推介「Build Your Own Meen」，即系自己拣钟意既配搭，咁就比较容易满足自己既味蕾，哈哈！汤底同酱汁选择各有四款，有辣有唔辣；然后有蛋面、乌冬、油面、金边粉、米粉；不同既肉类，海鲜同蔬菜等等。因为我同妈咪口味都比较清淡，所以妈咪拣咗素食精选既「蕃茄汤底」。蕃茄味清甜，而且系满满既鲜番茄茸喔！配上金边粉、温泉蛋、猪肉丸、菜心、木耳；慢煮日式叉烧半肥半瘦刚刚好，入口软嫩，值得一试。当日冇乜胃口，所以我就更加清淡，选清汤底一种既「招牌香滑鸡汤」。配米粉、鲜虾同两款嫩菜。个人特别推介「特色柠檬鸡」，经过慢煮肉质唔会干，反而偏瘦仲好嫩添！另外点咗小食「沙爹串烧」。牛肉烧得过火，猪肉较为入味，附上既酱偏酸，有口感，但个人觉得可以落少啲青柠汁。噢！Menu 上仲有几款饮品架！分别系泰式奶茶、咸柠七、泰式龙眼特饮，仲有豆浆、可乐、柠茶、柠水等等。