Bunphant Coffee (已結業)

蛋糕网店bunphant cake上两个月喺炮台山开咗间cafe，纯白简约嘅风格带啲韩国咖啡店feel，落地玻璃透进阳光，午后到访时感觉格外惬意。除左蛋糕之外，亦有主食同特饮，最吸引嘅当然系开心果奶同埋蛋糕，开心果迷必须收藏！𖦹 开心果软心芝士蛋糕 $65芝士蛋糕极为creamy，质地偏软呈半流心状，开心果同芝士味平衡得宜。𖦹 开心果特调奶 $55面层系香浓既奶盖加上开心果碎，杯边沾满开心果酱，牛奶比例恰到好处，捞匀一齐饮非常满足，开心果味突出。𖦹 芝士吐司盒配蒜蓉包条 $108等左20分钟，热辣辣、金黄色既吐司盒子终于上枱了～盒内嘅芝士酱以mozzarella、cheddar两款芝士制成，味道浓郁，充满咸香，用香喷喷既蒜蓉包条点黎食，好邪恶！记得尽快食用，否则芝士硬左就唔好味啦。 𖦹 鲜熬鱼汤泡双米配带子、虾、青口及日本鳕场蟹蟹肉 $158cafe竟然有汤饭食？？？是的！以鲜熬鱼汤配上多款海鲜，带子弹牙，蟹肉鲜甜，白饭仲巧妙地混入左脆米，口感丰富。