好日咖啡店 (已搬遷) 新店位置

听朋友讲呢间小店burger好好食，做运动前想食少少嘢就黎trytry～成间cafe感觉好cozy，不过食物绝对唔系hea，由于唔系好多职员，所以等食物上架都要时间。酥炸软壳蟹自家制芒果莎莎汉堡配粗薯条 $148软壳蟹成只塞落汉堡度，虽然食起上来比较困难，但加埋甜甜地嘅酱汁一齐食，几麻烦都值得一试！蟹炸得透切一咬就分离，依然食到佢嘅鲜味，因为沙律菜同蕃茄够鲜同清新，唔会觉得佢好油腻，粒粒芒果粒系点睛位！佢呢个晚餐仲跟一个沙律，虽然话系跟餐沙律，但卖相精致，沙律菜好新鲜，真系会索索声，而且份量都几多，两个人share卓卓有余，最好就系用黑醋汁，成件事清新好多。腌肉三式芝士焗粗薯条 $58芝士控睇到一定会发癫！咁多芝士！三款芝士捞匀咗，所以唔知边款打边款，但可以确定嘅系芝士系足料嘅，甚至乎多到压淋薯条 薯条其实都唔算粗，胜在薯仔味够香浓，亦都唔会好油。呢度D咖啡都好用心调配，叫一杯咖啡hea一个下午都唔错。