La Casa Burger & Pasta (文咸東街) (已結業)

连续放三日假, 当然要同好姊妹出黎食个lunch再去shopping啦!因为朋友系素食者, 好多时揾餐厅一齐食, 都要睇睇menu有冇佢岩食嘅先。前排去上环开会, 经过呢间buger餐厅, burger同意粉类都有素食, 今日一齐去食咗个lunch。餐厅面积比较细, 都有几张台供堂食。原本朋友想食素burger, 大啡菇, 可惜缺货, 唯有食意粉啦。杂菌黑松露意粉:一放上枱即刻闻到好香嘅黑松露味, 有好多芝士喺面, 捞匀之后好creamy, 又唔会好漏, 意粉口感弹牙, 食到底都仲有好多黑松露汁, 如果可以再多啲芝士就更加好啦! 西冷黑松露水牛芝士汉堡:burger 馅料多到泻, 要用手拎住个burger食都有d狼狈, d料会系咁跌。西冷唔系劲薄果种, 亦唔系好嫩, 不过牛味好重, 有d黑椒吊下味; 一pat水牛芝士附于西冷上, 再加咗黑松露酱, 配搭惹味。相夹嘅仲有蕃茄片、几片青瓜片、青菜, 肉同蔬菜比例占各半。两个主菜各升级为COMBO餐, 包一款自选小食+一罐汽水:薯角表面干身, 烘至极微脆, 虽然有dd盐, 但整体都系唔觉有过调味, 要点大量茄汁食, 否则好寡。