Burgerism (黃埔新村) (已結業)

呢间野都几有趣，之前好地地D Burger又好食，竟然执咗转咗做韩国野，今日经过竟然又转返个招牌做Burgerism，个侍应仲系咁同我地D熟客打招呼，于是就入去帮衬了。佢地D Burger真系好食嘅，由当年出面红磡宝石戏院转湾𠮶间舖仔已经帮衬开，不过佢地最正嘅其实系只德国麦啤，好耐无饮今日终于可以再试到。就系呢个牌子，仲要系生啤，真开心。佢嘅麦味好香，而且唔苦好易入口，可以怀缅一下去德国旅行的感觉Burger就叫咗个French Burger，同普通Burger最大分别就系佢用咗罗马生菜同埋落咗白色𠮶只法式沙律酱，另外除咗旧汉堡牛扒之外佢仲有一块烟肉，回味无穷。唯一要挑剔嘅就系D薯条有D Hea麻麻地。Anyway难得一间好食嘅餐厅复活，一定会再黎帮衬。