Burger Joys (第一街)

营业中

休息中

见到OpenRice有优惠$109一个包连薯条汽水，就谂住同朋友试吓。舖头比较细，喺冷巷，少少难揾。去到叫外卖自取，10分钟攞得。不过留意薯条同嘢饮都冇得upgrade，得regular薯条同汽水。行咗15分钟返屋企，终于食得了。我叫咗个Mushroom cheese burger。一咬落去，首先感受到面包非常松散，类似蛋糕质感，冇乜特别味道，个人觉得个包有啲咬口会好食啲。叫Mushroom burger, 以为系大啡菇，点知系切碎嘅菇整成嘅patty，所以系一啲都唔juicy，咬落去又系非常松散，冇乜特别味道，就系菇加盐嘅味，而且煮㶶咗，成个包都系一阵㶶味。其他配菜正正常常，尚算新鲜，有蕃茄洋葱酸瓜芝士，酱汁偏少，成个包都几dry。薯条就系普通幼切薯条，攞到返去已经淋晒，都正常。味道同质感非常普通，麦当劳都好食过佢，只系胜在份量够多。总括而言，唔明点解有咁多好评，性价比好低，Mosburger都好食过佢九条街。朋友叫咗cheeseburger都话唔好食。超级失望。