Burgerman (埃華街)

营业中

休息中

今日午餐想食汉堡包，去左大角咀埃华街Burgerman食。原来平日午市有套餐，有5款汉堡拣，可配田园沙律或脆有皮薯条同罐装汽水，抵食好多！另外都有两款意粉餐，配田园沙律同罐装汽水，脆有皮薯条就要加$10。今日决定要两个午市套餐。呢度都有小食，沙律同意粉。你要先去收银落单比钱，然后服务员会送野食去你个位俾你。煎蛋双层和牛汉堡 $105煎蛋双层和牛汉堡用一支大竹签固定好，我嘴细，只能分层食。枱上面有提供胶手套，都好方便。首先上面块包成块都好香脆，仲加左黑白芝麻粒。块包下面就系煎蛋，再下面就系两块厚切和牛汉堡扒，外面有薄薄一层芝士，都有拉丝。和牛汉堡扒虽然全熟，不过唔干，都好多汁。和牛汉堡扒下面系新鲜菜苗，惊喜既系加左日式胡麻酱，非常好味道又够湿润。呢款汉堡都好食。脆有皮薯条系粗身薯条，热辣辣炸起，香脆可口，点枱上面有提供既茄汁好好味。蚬肉蘑菇忌廉天使面配慢煮温泉蛋 $68呢个蚬肉蘑菇忌廉天使面配慢煮温泉蛋超级热辣辣上枱，天使面又幼身又滑溜，忌廉汁非常多，真系好好味，而且份量超多。配有慢煮温泉蛋一只，上面洒上香草，整烂只蛋等天使面捞埋蛋汁食更滑溜。配料有蚬肉仔，蘑菇片同洋葱，有少少爽脆口感。