龍平沾麵製作所

营业中

休息中

星期日夜晚冲击死线九点几先去 Aeon 食个夜饭加 shopping，特价寿司𠮶啲当然已经比人抢晒，好彩见到呢间新开嘅沾面店🍜仲有嘢食~ （新屎坑特别开心~）呢间嘅操作模式系先喺counter 买完飞之后去旁边 （不准确感觉大约5~10米距离）专用位自己揾位。等咇咇机响就去返 counter 自取~（同大部分 food court 一样，呢个设定唔系好适合繁忙时间一个人去食）餐厅既然叫得沾面制作所，顾名思义就系主打自家制手工沾面。面质弹又挂汤，最紧要系个汤底用咗石锅超热辣辣，特制赤海老沾面🦐嘅汤底食落无枧水味，虾汤够香亦无平时一般嘅汤底咁咸𩠌就有两片自家制叉烧、半只半熟蛋、笋、葱同埋青柠一角。叉烧片有微微焦香食落无咁腻。惊喜位系啲笋竟然无𠮶浸笋干臭系可以入口的~😂 食到咁上下加埋青柠汁即刻提升战斗力最后，价钱系真系几平，79蚊新鲜滚热辣，无投诉。