大中華飯店 (已搬遷) 新店位置

中国人食团年饭，当然要揾番间中菜馆，一讲到食小炒，点会唔谂到大中华呢？不过真系要订枱，临近岁晚，想有位都好难，重要订左大枱都要等‥‥‥自助式写单，写好就俾伙记帮你落，就算买饮品啤酒，都要自己行过隔离士多买，食得地茂，环境就唔好谂，toilet就更加唔好提，大家志在享受食物！猪手，我都无谓介绍，都介绍都烂晒，一个字“正”！ 炒菜都OK！土匪鸡，人人都有一只，我觉得唔系志在食，系志在有得撕鸡，虽则得一对手套，但大家既合作精神值得加分。讲番只鸡，肉都嫩，不过都系觉得撕鸡先系个gimmick位！花甲，本人少食，但都觉得好好食，清甜无沙，煮到岩岩好，大赞！因为大中华确实有太多好野食，猪手呀、鸡呀，好似抢晒风头，点知呢个鳝，个人觉得系成晚之冠，香口又脆，南乳味又唔太浓，自己想食几重口味就自己点个碟仔，炸完之后仍然保留到鳝既味，嬴晒！全晚最差之选，外皮唔够脆（可能都应该唔脆），入面太“林”，食落口好似系“梅”既感觉，所以对呢个印象唔太好！朋友话一定要叫呢个，我都系第一次试，少少饭焦，都香口，不过就少左腊肠味，不过都ok！因为只数既关系，我系无缘食到，但唔紧要，朋友食完都赞不绝口，所以呢个都系推荐之