和食快餐

营业中

休息中

呢间拉面店简直可以话系佛心，系我大学时代嘅月尾恩物。 今日就同朋友从游旧地，食返以前嘅味道。咁多年佢个铺面都冇变过，老板系日本人，超有良心，拉面定价咁平系因为佢觉得拉面应该系所有人都可以试到嘅嘢，而唔系要成百几蚊一碗咁天价咁离地。叫咗个东京酱油鸡扒拉面 $35配蟹柳卷 $18呢个价钱简直系出便普遍拉面店嘅一半，但系个味道一啲都唔Hea。当然你唔好期待个汤底会超级浓郁，佢反而系清清淡淡嘅感觉。但系就系呢种简单令到人觉得非常之有亲切感，就好似自己阿妈煮𩠌嘅感觉。拉面面条系老细亲自整嘅，唔系好似其他拉面舖咁样系同一间厂𠮶度订返嚟，睇到佢嘅诚意同埋特色。呢个价钱呢个份量嘅鸡扒同埋面条绝对系冇得挑剔。咖喱鸡扒牛肉饭 $52估唔到一个丼饭竟然贵𠮶个拉面，不过因为佢有两度𩠌嘅关系，呢个价钱晚市来讲都算抵食。正常日式咖喱饭男士来讲应该会好钟意食，我自己就觉得正正常常。