C.P.U. Cafe (已結業)

呢间餐厅都少少隐蔽，系K11外围有条电梯上鞋舖，鞋舖最入先系餐厅正门~一行6个人，因为Dinner set以海鲜选择为主，所以决定散叫。酱烧猪仔骨($58) 我地见到佢价钱谂住份量会好少，但上到黎又ok wor!个酱既味道几好但d肉好痴骨，食到个口好攰先食干净一条!意式香草酱意粉($78)，都几有pesto味，而且味道清新，我几钟意，不过觉得成碟黎讲干身左少少，可以更好。巴马火腿火箭菜薄饼($98)，个饼底都够脆既，但所有料同薄饼分离晒，切个阵要自行分配返d材料，味道正常!黑醋鸡翼($58)，如果对比相同价既猪仔骨，呢个一定冇咁抵食，黑醋酱好味既，酸酸甜甜好开胃!黑松露薯条，太似shake shake薯条，本身自己钟意食粗薯条同埋冇预计到松露系味精粉已经系薯条上面 ，但松露味系好够既，如果系一兜酱俾我地点就自己钟意点几多就几多，就唔会一d薯条冇味~带子蟹肉意大利饭($108)，北海道带子，大大只，够鲜味，意大利饭个汁都调得好creamy，饭都够咬口香蒜牛柳粒($68)都几好味，岩岩好熟，够冧!份量适中!凯撒沙津($68) 略为太细份，材料新鲜但味道普通。总括黎讲不论味道份量，小食同意粉