影片
更多
2017-11-20
1022 浏览
由于系朋友生日，所以一早订座位，7点半去到，服务员好主动咁上前招待，讲我地订左位，亦都好快咁揾番相关资料，安排左我地入座。有个朋友迟到，所以我地倾左阵计先落单，但好快8点15分左右服务员问我地仲有无野加，原来已经系last order 时间，先知店铺原来9点钟就close，所以我地再即刻落埋啲甜品，服务员都话会等我地食完正餐先上，所以叫我地可以落左单先。Curly Fries: 个薯条炸得几靓，热辣辣，趁热食好正，佢仲有三款医汁，简单黎讲就系有「甜」「酸」「辣」三种味道，食落好过瘾，刺激唔同味蕾，唔会食到好厌。Truffle and Pancetta Pizza: 薄批好脆口，配料香口，食落去味道比较特别，平时喺出面食唔到呢种pizza，几有新鲜感!Margherita Pizza: 食落同平时喺出面食既Margherita 差唔多，比起较有特色既Truffle and Pancetta 失色左少少，但品质都算中上。Iberico Ham and Porcini Mushrooms Spaghetti: 同其他主食比算系最唔好食，本身个意粉有少少偏硬同埋无味，虽然配料味道唔错，不过食落
有个朋友迟到，所以我地倾左阵计先落单，但好快8点15分左右服务员问我地仲有无野加，原来已经系last order 时间，先知店铺原来9点钟就close，所以我地再即刻落埋啲甜品，服务员都话会等我地食完正餐先上，所以叫我地可以落左单先。
Curly Fries: 个薯条炸得几靓，热辣辣，趁热食好正，佢仲有三款医汁，简单黎讲就系有「甜」「酸」「辣」三种味道，食落好过瘾，刺激唔同味蕾，唔会食到好厌。
Curly Fries with Dip Trio
$78
30 浏览
1 赞好
0 留言
Truffle and Pancetta Pizza: 薄批好脆口，配料香口，食落去味道比较特别，平时喺出面食唔到呢种pizza，几有新鲜感!
Truffle and Pancetta
$148
32 浏览
0 赞好
0 留言
Margherita Pizza: 食落同平时喺出面食既Margherita 差唔多，比起较有特色既Truffle and Pancetta 失色左少少，但品质都算中上。
Margherita
$118
26 浏览
1 赞好
0 留言
Iberico Ham and Porcini Mushrooms Spaghetti: 同其他主食比算系最唔好食，本身个意粉有少少偏硬同埋无味，虽然配料味道唔错，不过食落个感觉就好似水煮好左个意粉，先再加啲配料上去，失去左菜式既一体感。
Iberico Ham and Porcini Mushrooms Spaghetti
$148
26 浏览
0 赞好
0 留言
服务员见我地食完正餐，就上甜品比我地啦!
Sizzling Chocolate Brownie a la Mode: 个汁似系焦糖酱，试左一啖，大家都觉得甜得滞，去到有咸味既感觉，于是就无点酱咁食brownie，不过brownie 本身都整得唔错，唔点酱都几好食。Brownie 上面可以配一球雪糕(Coffee, Vanila, Apple Sorbet 三拣一)，落单时服务员推介可以配Coffee 或者Vanilla，Apple Sorbet 就同Brownie唔太夹，最后我地叫左Vanilla雪糕，食落都有十分浓郁既香草味，但又唔会太甜，同有微温既brownie 一齐放入口好match，好似香草加朱古力咁，但又唔会抢左brownie 本身既甜味。
Sizzling Chocolate Brownie a la Mode
$88
39 浏览
0 赞好
0 留言
食完甜品大家好似都唔够喉，于是寿星女再出去叫多左个Galeto 同埋Blueberry cheesecake
Gelato: 今次要左Apple sobert, 好似真系食紧青苹果咁, 甜度岩岩好。
Gelato (Apple Sorbet)
$40
24 浏览
1 赞好
0 留言
Blueberry Cheesecake: 谂住本身cheesecake 会几滞下，但食落夹心佢有加少少柠檬汁，唔会好腻同顶胃，好舒服。而饼底就只系平时整蛋糕用既消化饼，无乜特别。佢旁边放左cream，连埋cheesecake一齐食好正！
Blueberry Cheesecake
$43
42 浏览
1 赞好
0 留言
店铺有wifi，密码可以去前台收银处𠮶度见到，连接速度都几好，上网睇YouTube 无lag机! (不过同friend 食饭当然就少玩电话啦!)
水要自己倒，佢用左过滤水，饮落唔会有平时自己煲水既金属味，不过略用纸杯唔太环保，同埋只杯比较细，一两啖就饮哂啲水要再出去倒，希望店铺可以用番可以洗完再用既杯。
店员服务态度好好，有笑容，充满细心和耐性，待客之道１００分！
最后埋单连加一，人均$182，价钱略贵，但都算物有所值！
店铺有少少偏远，介乎湾仔港铁站同铜锣湾站中间，步行大约都要10-15分钟先到。但亦都造就左店内环境比较安静同舒适，岩哂唔钟意迫同嘈既朋友仔，值得再去!
题外话/补充资料：
一次神奇既相遇!
(以上食记乃用户个人意见 , 并不代表OpenRice之观点。)
张贴
