影片
更多
2016-09-25
1140 浏览
星期三同朋友倾起去旺角行街，顺便去先达睇下有无野可以买比朋友做生日礼物，朋友提议系附近间cafe Oasis食餐饭，咁book左张枱啦（我本身都觉奇怪，cafe要book枱😂？）可惜朋友临时有事，要走先，咁饭始终要食，就去左呢间食噜～ 一出四楼升降机门，已经望到个招牌，因为我次次入既楼上cafe都系伏，所以入去个阵心惊胆跳 一入到去就见到间餐厅都满满地人，都有8成坐满左，而且十六人枱果边已经有人系到聚会紧～感觉nice nice Cafe都几舒适，如果搞中型活动，例如圣诞p丫，生日P都可以系到搞，应该容纳到35人都绝对无问题（事关两张可以各坐16人既大枱！！重未计外面啲木枱啵） Menu 都好多野食拣，墙上面都有写啲推介菜式既，最后系众多主食中嗌左烟三文鱼牛肝菌意大利烩饭，荔枝冰沙，加个脆脆薯条其实重想嗌多个鸡翼，但一定食唔晒，所以留翻下次先嗌啦～ 事关其实一个人都有小小惨惨猪，因为呢到真系好热闹，好多人聚会，我后面果枱16座大枱客人带埋私家版三国杀黎玩，我好羡慕😂好想join埋一份。 饮品黎啦～荔枝沙冰 沙冰堆到好高，量好足，但我好惊会雪崩😂😂荔枝冰沙甜味唔会过重，
一出四楼升降机门，已经望到个招牌，因为我次次入既楼上cafe都系伏，所以入去个阵心惊胆跳一入到去就见到间餐厅都满满地人，都有8成坐满左，而且十六人枱果边已经有人系到聚会紧～
感觉nice nice
Cafe都几舒适，如果搞中型活动，例如圣诞p丫，生日P都可以系到搞，应该容纳到35人都绝对无问题（事关两张可以各坐16人既大枱！！重未计外面啲木枱啵）
Menu 都好多野食拣，墙上面都有写啲推介菜式既，最后系众多主食中嗌左烟三文鱼牛肝菌意大利烩饭，荔枝冰沙，加个脆脆薯条其实重想嗌多个鸡翼，但一定食唔晒，所以留翻下次先嗌啦～事关其实一个人都有小小惨惨猪，因为呢到真系好热闹，好多人聚会，我后面果枱16座大枱客人带埋私家版三国杀黎玩，我好羡慕😂好想join埋一份。
饮品黎啦～
荔枝沙冰
沙冰堆到好高，量好足，但我好惊会雪崩😂😂荔枝冰沙甜味唔会过重，淡淡既荔枝甜味系味蕾上散开，唔会好似外面餐厅既死甜，感觉上清爽解渴，下次再黎都可以嗌沙冰系列～（十二星座特饮双鱼座既口味系随意，啫系老板特调，下次5知拣咩饮好的话，嗌杯双鱼座特饮都好）系我影相既同时，脆脆薯条都到左啦，脆脆薯条加黑松露汁（黑松露汁加小小钱）
脆脆薯条伴黑松露酱汁
脆脆薯条带有薯皮，比起波浪薯条更香脆，比起粗薯条更有咬口，但薯肉方面唔会比两种薯条少～因为啖啖脆，啖啖肉，加上厨师新鲜炸既关系，令人一条接一条，停唔到口！！一盆薯条瞬间已被消灭左一半
烟三文鱼牛肝菌意大利烩饭
黄澄澄既芝士面加上食物既香味，如果唔系想影张真相引死我朋友，我一定食左先再讲，系我“笔”第一啖既时间发生左件好重要既事！！
烩饭都做到拉芝效果！！出面西餐做到唔出奇，但呢间cafe收你一百左右价钱，重包一杯野饮，出品重要咁正，埋单个阵都谂，呢个老细揾唔揾到钱架🤔意大利饭香软湿润，比以往食既烩饭味道更浓，芝士系其中一个要素，而且加上牛肝菌既味道，每一口都系一种享受，再加上烟三文鱼既咸香，真系好正朋友无介绍错缺值朋友表示羡慕嫉妒恨
埋单果时，老板们问我觉得餐饭有无咩问题，我照直同老板讲意大利饭超好食，好少cafe会水准咁高，芝士够浓，菌类份量岩岩好，不过份量颇多，女仔可能会觉得多左啲，同埋冰沙我怕会雪崩，堆好高😂😂佢话系出面食过，觉得自家都整得到所以都引入左呢款主菜（自豪样）～佢提我下次可以嗌少饭～
小店就系有呢种人情味，拉近到客人同店家既距离，姨加出去食饭，有几可店家会同客人直接沟通，问下意见，睇下有无边到满意／唔满意？
小小温馨提示：
提提大家。。呢间既烩饭饭量偏多，细食既朋友可以嗌少饭，唔好做大晒鬼丫～
呢到厨师好有料张贴
