茶餐廳2.0 (已結業)

今晚无煮饭，我想食鸡煲佢又想食炒菜，又话要食埋甜品先返屋企，好在呢头有间餐厅有齐，唔系就要腾来腾去啦！有镬气西兰花炒带子，跟个饭仲有汤，岩哂女友。直头酒楼水准但呢个价钱份量又唔少㖞！麻辣鸡煲几正！沙沙声滚下炒下，成间餐厅都比我….个鸡煲阵味吸引到😆。咁热女友叫左杯柚子蜜梳打，食住鸡煲饮落又几爽！试问边度有堂食$15底鸡蛋仔，有蛋香味，外脆里面有个鸡蛋仔心，整得专业。心太软配雪糕，朱古力味浓而唔会太甜，雪糕同暖嘅心太软一齐食最正，平平地满足正餐同为食嘅心。