R&B (已結業)

其实本来唔系想食呢间餐厅，但奈何原本想去果间好似比人book左场咁，又唔想行太远既情况下就黎左呢间。Dirty Wings其实系炸蜜糖鸡翼，再撒满紫菜碎同香草，d紫菜满到都见唔到只鸡翼，搞到一上菜既时候有d疑惑其实系咩黎，哈哈。鸡翼炸得好香脆，蜜糖又唔会话太甜。食到满口都系紫菜碎，真系好dirty，哈哈。Carbonara比起一般既Carbonara佢牛油同奶味超浓既，上碟既时候仲热辣辣。不过建议尽快食，因为冻左d牛油会凝固，会变到好难夹。Sorbet最后个雪葩真系好比到惊喜我，雪葩质感幼滑，食落酸酸甜甜，有d似酸梅既味道，食完之后简直令人精神为之一振。总括而言，每样样都在平均以上，又有自己特式，价钱合理。环境非常Cozy，坐得舒服，人又不太多，算系尖咀一个小小隐世既发现。