Harlan's Cake Shop (已結業)

近呢下半年，唔知点解劲迷靓Cake，是晚同朋友食完饭，其实已经好饱，但经过对面呢间cake shop，受唔住饼厨既诱惑，就咁坐低左。平时路过已被五颜六色既马卡龙吸引，今晚终于有机会买嚟试。本来好想食朱古力蛋糕，但同行友人偏好其他，所以就试了蓝莓慕丝蛋糕同少见既苹果芝士蛋糕。两款外形都好靓，先吃味道较淡既蓝莓慕丝蛋糕，平时除左朱古力味外，其实好少吃慕丝蛋糕的，这个味道尚可，唔似药水味。继而试自己拣既苹果芝士蛋糕，本身谂住试下呢个奇怪配搭，坦白讲，冇谂过好味架，点知食落觉得苹果香/甜味﹑清爽口感，跟芝士蛋糕竟然夹到，而且几好味，让人有惊喜。贪心既我试埋红桑莓马卡龙，不过呢个味道就一般了。这里开到10点半，店员冇特别赶客，虽然饼店喺商场通道位咁，但啲位都算坐得舒服，唔局促，同朋友饭后吹水都唔错架！