影片
更多
2013-08-24
655 浏览
是晚同客户以及巴西同事晚饭，客户是意大利人，亦是第一次嚟香港，同事又不是所有中国菜都啱吃，横竖佢地想到兰桂坊一游，所以就嚟到这家 il Posto 97吃意菜。因为大只佬巴西同事爱牛扒，所以我都问定呢度有冇扒锯，以备佢选择。订左晚上8:15，初时以为都多人，怕会好嘈难倾计，但去到时餐厅冇乜人，好多吉枱，可能 Happy Friday 啲人宁愿斋队唔食饭啦！同店员打个招呼后便马上入座，我地被安排到餐厅最埋边既大枱，(其实系由4张2人枱拼合而成)，客户选了窗口位置，由于我老板未到，所以我都坐喺窗边招呼客人。先点 Sparkling Water及汽水俾巴西同事及客人饮，跟住店员就奉上面包篮，有香脆饼干条同薄片﹑香草面包同法包，正。冇耐老板同同事都嚟到，于是我地开埋红酒，并请风趣既Cold哥嚟帮我地定菜单了。头盘唔多，只点了4款共6碟，分别系 Caesar Salad, Green Salad, Pan Fried Scallops, Foie Gras.Caesar Salad：有别于一般既凯撒沙律，佢个 sauce有鱼既成份，所以对唔食鱼既我嚟讲有点腥。Green Salad：好清既杂菜沙
订左晚上8:15，初时以为都多人，怕会好嘈难倾计，但去到时餐厅冇乜人，好多吉枱，可能 Happy Friday 啲人宁愿斋队唔食饭啦！同店员打个招呼后便马上入座，我地被安排到餐厅最埋边既大枱，(其实系由4张2人枱拼合而成)，客户选了窗口位置，由于我老板未到，所以我都坐喺窗边招呼客人。先点 Sparkling Water及汽水俾巴西同事及客人饮，跟住店员就奉上面包篮，有香脆饼干条同薄片﹑香草面包同法包，正。冇耐老板同同事都嚟到，于是我地开埋红酒，并请风趣既Cold哥嚟帮我地定菜单了。
头盘唔多，只点了4款共6碟，分别系 Caesar Salad, Green Salad, Pan Fried Scallops, Foie Gras.
Caesar Salad：有别于一般既凯撒沙律，佢个 sauce有鱼既成份，所以对唔食鱼既我嚟讲有点腥。
Green Salad：好清既杂菜沙律，只有橄榄油﹑盐同少少醋调味。
Pan Fried Scallops：大粒有如北海道带子，好厚肉，鲜甜，煎得刚好，偏食既巴西同事都话好味！
Foie Gras：同事见到时哗左一声，好好食咁，我自己则冇试！
前菜吃得八八九九，系时候上主菜，总共有6款，意粉﹑薄饼同肉类皆有，好丰富，一时唔记得叫餐厅慢慢上菜，结果食得有点赶，以及食物冻左影响口感，不过整体味道唔错，详细如下：
Wagyu Bolognese- 三位外籍朋友都选这个，个人认为其实系高级一点既肉酱意粉吧！牛味好浓，但食落去觉得意粉腍左啲。
Cavatelli- 这个是店既 Signature Dish，Pasta 系自家特制，幼小如手指尾大小，配料是野鸡肉，有肉臊味，所以厨师用芝士稍为盖其肉味，都几得意既，但唔系 Cold 哥讲到咁好味啰！(都可能系因为冻左啦！)
Lobster Spaghetti- 一般做法，先用龙虾壳熬汤，再加龙虾肉同蕃茄汁煮，味道唔错，不过我唔系试好多，食到茄汁味多过龙虾味呀！
Quattro Formaggi- 我至爱既四色芝士薄饼，芝士控嘛，唔驶讲咁多，总之好味啦！
Rib Eye- 有牛味﹑火候刚好，所以切开后肉芯系嫩红色，很美！(餐厅细心地事先帮忙把肉切开，以便我们容易分吃了。)
Pigeon- 炆乳鸽，跟肉眼扒一样，都有炒薯仔杂瓜作配菜，跟其酱汁同吃味道更佳。
虽然我地食得有点饱(其实好够饱)，但冇理由唔试埋甜品架！有成6﹑7款，早知留肚试多两款甜品啦！好彩份量唔算大，我地一人都吃一客，不过大家点既款式唔多，有清新消腻既 Lemon Tart配雪芭，超 Heavy 及浓既Hot Chocolate Foam with Chocolate Brownie and Coconut/ Vanila Gelato，还有最后一款系Hazelnut Cake with Hazelnut Gelato，三款无论卖相同食味都好。
整体来讲，除左食物味道唔错，餐厅环境都好舒服，唔会好局促，店员好有礼貌亦乐意帮忙发办点菜，其中店经理梁小姐同Cold 哥最帮得手，无论自己人定客人都食得好开心呢！值得再嚟呀！
题外话/补充资料：
由８月开始逄星期二有芝士配酒既自助餐，＄２５０加一，约六﹑七款芝士，好想试呀！
(以上食记乃用户个人意见 , 并不代表OpenRice之观点。)
张贴
