Chang Thai Restaurant & Bar (裝修中)

呢间泰菜落装修精致富格调，一于同家父嚟try try。一落完order就送上冬瓜肉碎清鸡汤，清甜滋润。𖦹 芒果蟹肉炒饭 $98卖相一流，菠萝炒饭就听得多，芒果炒饭你食过未？芒果超甜，但略嫌汁唔多，以致食到后期有啲干。 炒饭镬气十足，饭粒粒粒分明，带虾酱（定系马拉盏）嘅香味，极为吸引。每一啖都食到蟹肉丝，系个新奇嘅配搭！（虽然我都系prefer菠萝炒饭xd）𖦹 泰式金边粉 （虾）$88令家父很impressed的一道菜！一上枱已经令人眼前一亮，蛋丝整成网状环绕炒粉形成如鸟巢般嘅形状，好靓。面头嘅大虾肉质弹牙，可惜无咩味；金边粉同炒饭同样镬气十足，入口酸酸甜甜，非常惹味，令人食唔停口，好快就清晒成碟。 记得捞埋旁边嘅花生碎同埋辣椒，味道嘅层次即时level up。