影片
更多
2023-09-25
65 浏览
平时次次去日本都会食串烧，咁啱今次去冲绳冇食到，心思思就返到香港想揾串烧食，朋友就介绍咗呢间。Openrice间中某啲时段某啲分店会做全单半价，记得得闲留意下！今次我系星期日下午时间都有半价。除咗海鲜类会贵少少之外，其他串烧都只系十几二十蚊左右，价钱合理。当然有半价就直情抵啦～星期日下午三四点钟来到，客人不算多，餐厅装潢又好chill，所以感觉好relax。叫咗一杯麒麟一番搾白桃味啤酒$75 ，白桃味系期间限定的，应该只有餐厅酒吧有，平时超市便利店是买不到的，值得一试！白桃味感觉好清新好refreshing！另外叫咗Magners original apple cider, 都系味道清新，好易入口。串烧全部烧得啱啱好，调味亦都适中，质素都真系唔错嘅，非常有惊喜。培根车厘茄卷 $25呢款平时喺日本我系一定会点既，呢度都整得好好食，培根唔会好干好咸，加埋车厘茄好juicy，必吃！串烧鹌鹑蛋 $22烧牛油半熟带子 $63带子系超级大粒！牛油味再加埋少少香草味，唔会盖过带子嘅鲜味。又系啖啖肉好juicy, 正！大葱鸡脾肉串 $25呢款平时日本鸟贵族必食款，呢间整得都唔错，调味啱啱好，亦都系烧得
平时次次去日本都会食串烧，咁啱今次去冲绳冇食到，心思思就返到香港想揾串烧食，朋友就介绍咗呢间。
Openrice间中某啲时段某啲分店会做全单半价，记得得闲留意下！今次我系星期日下午时间都有半价。
除咗海鲜类会贵少少之外，其他串烧都只系十几二十蚊左右，价钱合理。当然有半价就直情抵啦～
星期日下午三四点钟来到，客人不算多，餐厅装潢又好chill，所以感觉好relax。
叫咗一杯麒麟一番搾白桃味啤酒$75 ，白桃味系期间限定的，应该只有餐厅酒吧有，平时超市便利店是买不到的，值得一试！白桃味感觉好清新好refreshing！
另外叫咗Magners original apple cider, 都系味道清新，好易入口。
串烧全部烧得啱啱好，调味亦都适中，质素都真系唔错嘅，非常有惊喜。
培根车厘茄卷 $25
呢款平时喺日本我系一定会点既，呢度都整得好好食，培根唔会好干好咸，加埋车厘茄好juicy，必吃！
串烧鹌鹑蛋 $22
烧牛油半熟带子 $63
带子系超级大粒！牛油味再加埋少少香草味，唔会盖过带子嘅鲜味。又系啖啖肉好juicy, 正！
大葱鸡脾肉串 $25
呢款平时日本鸟贵族必食款，呢间整得都唔错，调味啱啱好，亦都系烧得好Juicy
盐烧鸡软骨 $24
本身好钟意食鸡软骨，所以呢个有encore再点。
风味烧鸡肾 $19
薄烧安格斯牛肉葱 $32
盐烧鸡翼 ( 2 只 ) $24
烧得啱啱好，鸡肉唔会干柴，入面喺Juicy的。
盐烧鲜白鳝 $58
呢款我觉得都系必点的，外皮烧得脆脆地，入面啖啖肉，亦都好鲜味，不过有少量幼骨，记住食得小心啲。
浦烧鳗鱼 $29
A5 极品和牛粒 $128
香葱烧半壳扇贝（2只) $55
扇贝几鲜味，亦都几大只，配埋香葱蒜头超好味。
黑啤猪肉肠 $26
本身有啲担心条肠会好咸 ，结果完全唔会，味道系少少偏甜的，而且又微微啤酒的味道，都几特别。
炭烧猪颈肉 $22
黑毛猪腩 $25
玉子烧 ( 4 件 ) $38
喺OpenRice见到有人话呢个系必点嘅，咁就叫黎试吓，的确几好食！
香蒜葱花广岛蚝 $32只
广岛蚝都几大只，配埋香蒜葱花亦都好夹
盐烧鸡皮 $16
烧得好干爽，唔使担心鸡皮会好肥。
凤梨烧 $26
食完咁多嘢，食返个凤梨，感觉非常Refreshing
张贴
