CaN LaH

营业中

休息中

今晚约咗朋友嚟中环食饭，朋友知道我想睇靓景，拣咗呢间星马餐厅，餐厅有分室内同室外，室外可以望到靓靓嘅维港景，可惜今日有少少落雨，所以我哋坐返喺室内。Pineapple Refresher先饮番杯饮品Chill下，清清甜甜几好味。眼泪虾枣眼泪虾枣用五花肉、虾肉、干葱及洋葱等材料制作而成，全人手制作，炸得脆卜卜金黄色，好香口。老隆药膳肉骨茶同平时食到嘅肉骨茶有点不同，呢个味道我更加钟意，入面材料好丰富，胡椒味恰到好处，而且排骨好入味又软腍，食完好暖胃。百香果沙律虾球炸得好香脆嘅虾球，外边仲有酸酸甜甜嘅百香果沙律，虾肉好弹牙，好开胃呢！芙蓉烧蟹用咗东南亚风味甜豉油，蟹肉亦都好新鲜，好大只，而且厨师已经帮忙拆件，方便客人食用，酱汁又渗入蟹肉当中，好惹味呢正宗海南麻鸡鸡肉嫩滑又多汁，已经去骨啖啖肉，再配埋油饭超正！仲有豉油、姜蓉及辣酱三种酱汁怡保干炒海鲜米粉有丰富嘅材料，鱿鱼、虾、带子等等，米粉炒得好有镬气够晒干身。原个雪燕香芒椰子盅内有雪燕、椰子雪糕同埋杨枝甘露，口感好有层次，今晚食得好满足。