影片
更多
2024-01-01
766 浏览
想chill住食韩国菜？Anju系一个好选择。ANJU选址西九龙圆方演荟广场顶层，店内嘅色彩缤纷嘅壁画同醒目嘅霓虹灯牌风格独特，充满时尚感。开放式嘅设计望住出面嘅广场，令空间感大增，感觉够晒chill。未肚饿就叫杯嘢饮食个头盘先。【Melona Mocktail】混合益力多、雪碧，搭配我最like嘅Melona 蜜瓜雪条，仲有几片新鲜蜜瓜～ 【Soju Colada】以韩国烧酒调制嘅Colada，椰香同酒味平衡，好有夏日气息～【酱油带子鲍鱼】将带子鲍鱼砌成圆型，上面加上紫苏叶同三文鱼子，好似个花圈咁。酱油嘅咸香同带子鲍鱼嘅鲜甜完美配合。【炸紫苏叶猪肉饺子】饺子皮炸得香脆，里面有好多紫苏叶碎，混合香浓肉味和紫苏叶清香，十分可口。蘸上芥末柚子辣椒汁，释出另一番风味。【韩式炸鸡】都几大盘，外皮红红嘅因为炸完再混合糖、醋、辣椒酱同酱油去炒，甜甜哋又带点香辣，鸡肉又嫩又juicy，好高质。【韩式海鲜拼盘】之前喺美式海鲜餐厅食过嘅海鲜袋，估唔到喺呢度都食到。可自选汤汁同海鲜，我哋拣咗鱼饼萝卜汤配北海道带子、蚬、鲜鲍鱼。全部海鲜都好大只新鲜，鱼饼萝卜汤吸收咗海鲜嘅鲜味更加鲜甜。然后就到两款甜品【燕麦
ANJU选址西九龙圆方演荟广场顶层，店内嘅色彩缤纷嘅壁画同醒目嘅霓虹灯牌风格独特，充满时尚感。开放式嘅设计望住出面嘅广场，令空间感大增，感觉够晒chill。
未肚饿就叫杯嘢饮食个头盘先。【Melona Mocktail】混合益力多、雪碧，搭配我最like嘅Melona 蜜瓜雪条，仲有几片新鲜蜜瓜～ 【Soju Colada】以韩国烧酒调制嘅Colada，椰香同酒味平衡，好有夏日气息～
【酱油带子鲍鱼】将带子鲍鱼砌成圆型，上面加上紫苏叶同三文鱼子，好似个花圈咁。酱油嘅咸香同带子鲍鱼嘅鲜甜完美配合。
【炸紫苏叶猪肉饺子】饺子皮炸得香脆，里面有好多紫苏叶碎，混合香浓肉味和紫苏叶清香，十分可口。蘸上芥末柚子辣椒汁，释出另一番风味。
【韩式炸鸡】都几大盘，外皮红红嘅因为炸完再混合糖、醋、辣椒酱同酱油去炒，甜甜哋又带点香辣，鸡肉又嫩又juicy，好高质。
【韩式海鲜拼盘】之前喺美式海鲜餐厅食过嘅海鲜袋，估唔到喺呢度都食到。可自选汤汁同海鲜，我哋拣咗鱼饼萝卜汤配北海道带子、蚬、鲜鲍鱼。全部海鲜都好大只新鲜，鱼饼萝卜汤吸收咗海鲜嘅鲜味更加鲜甜。
然后就到两款甜品【燕麦奶布丁】奶香浓厚，口感极滑，配埋粟米片同柿子肉令味道同口感更丰富。【Affogato】又热又浓嘅咖啡同冰爽嘅香甜雪糕带来味觉冲击。
太享受chill嘅感觉，叫多两杯嘢饮先。嚟多次【Melona Mocktail】，不过今次就叫芒果味，配上一大片芒果，比蜜瓜味更抵饮；【Yuzu Virgin Mojito】就清甜冰爽，食完嘢饮又消滞又relax。
张贴
