CHiLL-i (已結業)

而家食餐饭真系几唔容易。 要坐得舒服好食，仲要睇时间。 朋友约我去观塘食好西。 平时黎行下买野都有，但食饭真系未试过。其实真系好多食店，跟朋友黎Chill-I。 佢话仲有其他都有好多好值得试，咁可以再约啦。今日黎到，因为过左lunch time, 所以可以坐得松动d, 上黎都唔怕逼人。我地叫左2个lunch set: 海胆炖饭伴白汁蟹肉焗牛油果，烧焗芝士鸡扒伴香辣青酱炖饭。唔好睇少个set,份量好足。 加埋前菜，甜品，饮品，的系会好满足。这个开胃前菜有d似杨枝金露既清淡版，好玩胃。 而炸豆腐好香脆松软，唔似做耐左好硬个种。 好好味。南瓜汤好清甜。而2个饭都好大碟，鸡扒好厚身，衬芝士都唔觉咸 ，够嫩滑。 蟹肉牛油果都好夹，反而系蟹肉令牛油果冇咁腻。 Brownie卖相好靓，好正。餐饮就简左西柚梳打，同玫瑰latte。 成个餐都好丰富完满。