Chef's Stage Kitchen (西菁街)

营业中

休息中

呢度非常舒适，气氛好好，令人感到非常舒适。另外餐厅有室外嘅空间，地方宽敞，适合喜欢户外嘅朋友以及带同宠物嘅朋友。木櫈上有座垫和咕臣，令人坐得舒服。今次到店嘅时间比较晏大约九点钟，但依然有好多人就餐。店员服务亲切，向我介绍餐牌嘅食物。之后叫咗个二人套餐；餐包、汤、沙律、头盘、主菜及两杯嘢饮。 好快饮品同餐包就送到面前。两杯饮品好有特色, 不妨一试！餐包有3款面包，有啲脆口，有啲就烟烟韧韧，配上面包酱，十分好味。法式龙虾汤味道浓郁，好浓稠好有质感，入口鲜味十足，汤入面仲有龙虾仔肉，认真材料十足。沙律呢一道巴马火腿沙律，用上新鲜嘅蔬菜配搭巴马火腿同芝士，整道沙律非常开胃。法式生牛肉他他伴鹌鹑蛋及法包牛味香浓，将鹌鹑蛋混入其中捞埋之后，将牛肉他他直接放落香脆嘅法包上，入口香脆味浓简直系味蕾上嘅超级享受。蕃茄烩牛肉阔条面牛肉炆到好林，味道香浓，阔条面入口烟烟韧韧好有口感，面条挂满酱汁精华，真系食到舐舐脷。炭烧美国极黑猪鞍扒拼香草牛油焗波士顿龙虾尾一上枱已经闻到香味，炭烧过嘅猪鞍扒，切开粉嫩而且肉汁保留到喺入边，肉质鲜嫩，配上伴碟嘅芥末酱同埋烧汁，每一啖都有惊喜。龙虾尾肉质弹牙，口感好之余，味道亦