影片
更多
2021-11-03
996 浏览
好耐无食过韩国菜啦，今日中午心思思想食，咁啱同事揾到一间喺QRE Plaza(合和中心对面)嘅韩国餐厅，于是就试下walk in ~QRE Plaza系一座商业大厦，佢楼上有劲多唔同种类嘅餐厅，大多数都系中高价餐馆嚟嘅，如果中午想食过商务午餐or见客食饭，咁相信呢类餐厅会系你嘅不二之选。其中我今日试呢间韩嘉岚韩国料理就系其中之一！先讲环境，餐厅位于大厦嘅27楼，一出lift就系门口，门面比较狭窄细小，同时间最多只可以容纳到约4-5个人企喺度等位(始终商业大厦格局，大部份都系咁)。侍应系一位韩国妇人，佢用唔咸唔淡嘅广东话嚟同我地讲等一阵、好快有位咁，态度非常有礼诚恳，但系笔者觉得佢太过心急，而且同入面嘅侍应沟通不足，佢连续叫左几次我地入去坐，但里面嘅侍应根本未执好张枱，搞到我地几个入又唔系，唔入又唔系，成件事有啲尴尬。之后佢安排我地入房坐，房入面有大玻璃窗，可以望到合和中心同后面嘅热门行山径：宝云道，感觉真系几Chill架！咁啱我地坐近窗边，日光顺住玻璃窗照射入嚟，霎时间觉得自己远离繁嚚，唔再系生活逼人嘅上班族，只系一个喺山间庭院叹紧下午茶嘅优闲一族。食物方面，未上主菜之前，已经上左每人
QRE Plaza系一座商业大厦，佢楼上有劲多唔同种类嘅餐厅，大多数都系中高价餐馆嚟嘅，如果中午想食过商务午餐or见客食饭，咁相信呢类餐厅会系你嘅不二之选。其中我今日试呢间韩嘉岚韩国料理就系其中之一！
先讲环境，餐厅位于大厦嘅27楼，一出lift就系门口，门面比较狭窄细小，同时间最多只可以容纳到约4-5个人企喺度等位(始终商业大厦格局，大部份都系咁)。侍应系一位韩国妇人，佢用唔咸唔淡嘅广东话嚟同我地讲等一阵、好快有位咁，态度非常有礼诚恳，但系笔者觉得佢太过心急，而且同入面嘅侍应沟通不足，佢连续叫左几次我地入去坐，但里面嘅侍应根本未执好张枱，搞到我地几个入又唔系，唔入又唔系，成件事有啲尴尬。
之后佢安排我地入房坐，房入面有大玻璃窗，可以望到合和中心同后面嘅热门行山径：宝云道，感觉真系几Chill架！咁啱我地坐近窗边，日光顺住玻璃窗照射入嚟，霎时间觉得自己远离繁嚚，唔再系生活逼人嘅上班族，只系一个喺山间庭院叹紧下午茶嘅优闲一族。
食物方面，未上主菜之前，已经上左每人三碟小前菜，佢啲前菜好多款式，我地一行三人就有九款唔同嘅小配菜了！菜式全部上齐嘅时候，个画面真系好似食紧满汉全席咁，视觉同味觉都有一种好强烈嘅冲击，真系好丰富呀~讲返主菜，笔者嗌左一个炒牛肉杂菜锅(配白饭)，味道中上，汤汁浓郁，惟独牛肉太硬，好难咬开。配菜嚟讲，泡菜同薯仔都几好食，喺芸芸配菜之中系最出色！
最后讲埋价钱，笔者嘅炒牛肉杂菜锅(配白饭)盛惠$89(另收加一)，整体嚟讲算系抵食嘅！
张贴
