享慢煮意 (形點 I) (已結業)

假期想chill一chill，想起朋友早排介绍嘅餐厅，位于形点１期内。于是我哋山长水远由新界东搭屯马线入元朗一探究竟。嚟到餐厅门口，感觉真系有种度假feel，果然冇介绍错。餐厅用上地中海嘅蓝色作主调，入到去再欣赏室内装修及布置，真系有如置身欧洲嘅感觉。由于已经饥肠辘辘的关系，二话不说就开始点餐啦。我地点咗两份set lunch，加购咗两款口味嘅流心牛角包。我哋都系第一次食有流心馅嘅牛角包。切开咗，里面的流心有如溶岩般倾泻出嚟，好澎湃！蟹膏同龙虾汤配上牛角包嘅味道好夹，食落口感好特别！跟住到两份主菜，龙虾汁蟹肉伊面同和牛面颊。首先讲吓蟹肉伊面，食到啖啖蟹肉，绝无欺场。龙虾汁捞落伊面度，味道配合得天衣无缝，真系好味道！和牛面颊肉质嫰滑，入口即溶。最后两份甜品，焦糖炖蛋同埋自家制芝士饼都系冻食，炖蛋质感幼滑，女士们大爱！