The Corner Coffee

营业中

休息中

生活忙碌，放工当然想揾间cafe食下野，同朋友一边倾计，relax下，意外地发现，原来湾仔有类似的楼上cafe，以文青简约木系风格，轻松写意的氛围感，同朋友喺度聚会、食嘢、倾计、饮杯咖啡，感觉真系好舒服。<澳洲和牛芝士汉堡薯条 $158>和牛入口牛肉味非常浓厚，而且咬落去仲好juicy，配埋芝士同埋蕃茄，非常好食。粗身薯条系新鲜即炸，够晒金黄香脆。<秘制蒲烧鳗鱼饭配流心蛋 $148>蒲烧鳗鱼系原条咁样上，份量不少。鳗鱼都几肥美，而且肉质弹牙，配埋日本珍珠米，同埋甜甜地嘅鳗鱼酱汁一齐食，特别好味。另外值得加分嘅系，佢哋个流心蛋做得非常之好，值得一试。<Eary Grey Tea Caffe Latte>伯爵茶味带有甘香，混合埋咖啡同奶香，非常好饮。<Peanut Butter Latte>花生酱味道非常突出，混合埋香浓咖啡的味道，非常特别。呢度除咗有cafe嘅感觉之外，食物质素都唔错，而且人均消费都系200蚊左右，就可以喺度消磨一个下午，另外呢度亦有售卖一些精品，非常特别，有些精品又非常可爱别致，值得再来。