Avenue75

营业中

休息中

餐厅环境有艺术气氛，墙壁上有画作，色彩缤纷。灯光暗暗地，又有音乐，座位有sofa或者高枱，都坐得舒服，可以同朋友一齐chill下。地点位置系尖东海旁附近，旺中带静。餐厅饮品有好多款式，cocktail都系以artpiece做灵感，好靓，卖相都好吸引，连本menu啲图画都好有艺术气息。Lychee cocktail 🍹 Order左杯bartender 冲既lychee cocktail，唔系本menu度，因为朋友想要lychee。龙虾汁海鲜扁意粉 🍝龙虾汁好浓，加上海鲜有大大既青口、虾、甜蚬，好有鲜味，而意粉比较厚质感。泡菜带子卡邦尼意粉🍝比较fusion，口感好creamy，比想像中好味，而且泡菜微辣再加上cooking cream，好夹，不过食到最后会觉得有啲腻。香草牛油野菌焗蟹盖·脆多士🦀蟹盖入面有好多蟹肉，好足料，然后将蟹肉放上多士上，食落有点干身，如果有少许汁会比较好。整体来讲，环境舒服，好chill。食物还好，最出色系泡菜带子卡邦尼意粉🍝，得闲同朋友黎chill下，都好开心。