渝味曉宇重慶老火鍋 (渣甸中心) (已結業)

系铜锣湾行街，见到呢间「渝味晓宇」既麻辣火锅店，啱晒我同一班咁钟意打边炉嘅朋友。所以我哋即刻上咗去试吓呢间火锅店。我哋一班人好钟意打边炉，但系我哋全部人都唔系好食得辣，所以无试佢招牌嘅麻辣火锅，不过我哋都叫咗两个口味嘅鸳鸯火锅汤底，分别系大骨、山真菌汤鸳鸯锅，啱晒我哋呢啲食唔到辣嘅火锅友！你间火锅店嘅食材都有好多选择，以下嘅食材就系order左既：肉类方面我哋就点左嫩牛肉、黑豚腩肉、美国安格斯优质肥牛、纽西兰精品羊肉卷、晓宇手打三宝丸、猪大肠同埋手打香菜牛肉滑。全部食材都好新鲜、好有咬口，所以我哋食完头两份之后就不停追加牛肉等等嘅食材。排骨汤底系真系用拳头咁大嘅猪骨，深透晒喺汤底入面，令到捞起嘅食材都好有猪骨味。系海鲜方面，我哋order左美国筒肥蚝、手打墨鱼滑同埋季节限定嘅鲜活海蛏。果然系季节限定嘅食材，食落去鲜味十足，仲要唔驶等好耐5分钟就得！所以呢个海蛏系重点推介嘅食材，2月至8月先有得食架！最后我哋order咗一渣洛神花茶，酸酸美味好适合打边炉之前饮，醒一醒个胃，令到之后更加有食欲，系打紧边路嘅时候饮仲可以消除一啲来自肉类嘅肥腻感。