塚田農場 (已結業)

终于等到出粮𠮶日啦,好耐冇去食d好嘢,决定带妈咪嚟食好嘢,上次已经bookmark咗好耐嘅冢田农场,啱啱好今日喺海港城附近,于是今日就试吓佢入面装修好高级，好有日式feel，成幅落地玻璃望出去就系靓到不得了嘅海景，今日仲好彩见到彩虹添！呢度嘅招牌菜系美人涮锅，我哋就拣咗呢个，可以畀两个人食，有5款唔同嘅肉类可以拣，我哋就拣咗和牛同豚肉套餐，咁就两个肉类都可以试吓啲锅底一上到妈咪真系哗咗出声，和牛同豚肉嘅雪花纹一见就知好靓，好正。汤底系鸡白汤 ，汤底有啲甜味，而且味道好浓郁，应该系熬咗好耐嘅汤底每个套餐可以拣白饭/拉面/乌冬，带妈咪嚟梗系要食得丰富啲，就多点咗蔬菜拼盘，腐皮卷，豆腐，同菇菌拼盘。蔬菜拼盘入面有好多嘢，包括南瓜，冬菇，萝卜等等。菇菌拼盘都有冬菇同金针菇。腐皮卷，豆腐加埋拼盘落咗落去，汤底都变鲜甜咗仲见到隔离枱都叫咗玉子烧好似好好食，就加单再嚟一份。跟住其他人叫实冇错。食落去系甜甜地，好松软，好香蛋味，而且蛋好厚实，难怪咁受欢迎如果大家想嚟食，就梗系要记得提早book位啦！