泰道 (已結業)

泰道放假鍾意四圍去捐窿捐罅，特別係西貢俾人一種好放鬆嘅氛圍，但好多時西貢碼頭一到放假日子都大排長龍好多人，泊車都好貴，聽朋友嘅推介揀咗一間唔太近西貢市中心嘅泰國菜，係藝人魏駿傑開嘅一間餐廳🍴餐廳隔離就有附帶嘅停車位，保證有得泊位。同埋今次去到食食吓野見到魏俊傑，都算驚喜嘅！建議揀非繁忙時間嚟食應該會可以安排到喺邊位享受住海風邊食嘢！黃金菜黃金菜係酥炸通菜，份量好大呢， 口感香脆鬆化，但係價錢稍貴，始終係藝人餐廳在所難免。金邊粉好耐冇食金邊粉所以今次點左佢啦， 分量中等味道都不過不失， 係似泰國食到嘅味道嘅，價錢都係稍貴。青咖喱雞青咖喱充滿椰子味，同埋有少少辣，好啱送飯。建議大家可以加錢定點薄餅，都幾好味！