K-TOWN Bar & Grill (已結業)

坚尼地城西餐厅多的是，今日Lunch便来到满有木系自然风格的西餐厅K-Town，试下佢地既set lunch 。Set Lunch 价格比中环/金钟地段抵食，$118起已有，套餐包括餐包，餐汤或一次性自助Salad Bar及主菜一款，另加$15更可以有Cappuccino，Latte 等咖啡饮品，餐厅地方够大，座位舒适，由于人客不多，实在可以享受一个宁静既下午。蘑菇汤非常creamy，蘑菇味道够出够浓郁。法包上枱微暖，配埋餐汤一齐食非常夹。主菜点了炭烧澳洲肉眼扒配薯条沙律，卖相非常吸引，肉眼扒份量好足好大份，而且够厚，入口牛肉味浓，咬落去够腍够juicy，order medium 完全没有过老，甚是惊喜。薯条是即炸的，够热够脆，连沙律菜既份量都好多，以呢个套餐价钱来讲，如此这般的质量，我完全揾唔到可以挑剔的地方。甜品系细细件嘅意大利芝士饼，味道不错。最后来了Ice Mochachino 及 Hot Cappuccino ，静静地过了一个游闲既下午。