影片
更多
2022-12-29
159 浏览
因为住系东涌嘅朋友介绍呢一间bar，所以今日就嚟试下啦🤩虽然唔系喺商场入面，但系经outlet行几分钟就到架啦，位置都算方便易揾👍🏻餐厅好阔落好好坐，可以同一大班frd一齐嚟chill下！前菜嗌咗有机沙律菜🥗同石烧西班牙猪肋条🫣沙律嘅份量几大，加埋佢个酸酸甜甜嘅sauce好开胃 间唔中食下就无咁饱滞猪肋条都几抵食，可以2-4人share🍴一上菜就闻到好大浸烧香味，猪肋条肥瘦均匀，唔会heavy，女仔一定啱食👍🏻猪肉系好淋嘅，烧得啱啱食唔会㶶，伴菜就有几块腌萝卜，酸酸地几开胃😋主菜嗌咗柠檬海盐烧原只法国春鸡，呢样朋友都话有惊喜😍鸡肉好淋一啲都唔鞋飒飒，鸡皮好脆！😍😍都有肉汁嘅，又系烧得好香。之后仲有好多配菜，大啡菇都系好多汁，薯蓉都系正常发挥，唔会食到好饱滞，仲有番茄同埋蒜头，我哋都觉得好抵食👍🏻另外仲试埋海鲜龙虾汤烩意大利饭，一上菜就闻到好大浸龙虾味，啲龙虾汤系好多嘅，所以risotto都比较湿。呢个饭啲𩠌都几丰富🤣有两只大虾，几只青口，同埋两只大蚬等等，系新鲜好味嘅，都几特别，同其他西餐平时会食到嘅唔同，所以都值得一试🫣最后嘢饮就嗌咗No Hangover 同 Mellow Melo
前菜嗌咗有机沙律菜🥗同石烧西班牙猪肋条🫣沙律嘅份量几大，加埋佢个酸酸甜甜嘅sauce好开胃 间唔中食下就无咁饱滞
猪肋条都几抵食，可以2-4人share🍴一上菜就闻到好大浸烧香味，猪肋条肥瘦均匀，唔会heavy，女仔一定啱食👍🏻猪肉系好淋嘅，烧得啱啱食唔会㶶，伴菜就有几块腌萝卜，酸酸地几开胃😋
主菜嗌咗柠檬海盐烧原只法国春鸡，呢样朋友都话有惊喜😍鸡肉好淋一啲都唔鞋飒飒，鸡皮好脆！😍😍都有肉汁嘅，又系烧得好香。之后仲有好多配菜，大啡菇都系好多汁，薯蓉都系正常发挥，唔会食到好饱滞，仲有番茄同埋蒜头，我哋都觉得好抵食👍🏻
另外仲试埋海鲜龙虾汤烩意大利饭，一上菜就闻到好大浸龙虾味，啲龙虾汤系好多嘅，所以risotto都比较湿。呢个饭啲𩠌都几丰富🤣有两只大虾，几只青口，同埋两只大蚬等等，系新鲜好味嘅，都几特别，同其他西餐平时会食到嘅唔同，所以都值得一试🫣
最后嘢饮就嗌咗No Hangover 同 Mellow Melon。No Hangover饮落好似果汁咁，沟咗橙汁苹果汁柠檬汁热情果等等，系几清新嘅。Mellow Melon就饮落苦苦地，酒精浓度都唔算高。呢间仲有好多其他野饮同酒，得闲嚟饮杯野都几chill~~~
可能因为人流唔算多所以都唔系好多人食，但系食物质素同性价比都几高下😍推介比想chill住食西餐饮酒，reu倾偈嘅frd同情侣嚟试~~
张贴
