影片
更多
2022-11-11
17 浏览
✨Daily Special - Deep Fried Oyster外层炸粉酥脆，厚薄适中。 日本蚝大大只, 口感creamy又够蚝味。加上微酸酱汁, 食多几只都唔会腻。✨ Signature Minced Chicken Stick免治鸡肉混入咗鸡软骨，软糯又带点咬口。配日本生食级鸡蛋，味道甘甜。必食!✨Kurobuta Pork Belly黑豚五花腩肉卷到似日本叉烧，简简单单用盐同黑胡椒调味就带出左食材本身风味。肥瘦适中，带有微微焦香, 油脂感好平衡!✨Beef Tongue烧牛舌同样只用简单调味保留食材新鲜味道。更值得赞嘅系厚切既牛吞配合刚刚好既火候，烧出嚟软嫩、烟韧、弹牙。✨Red Satsuma Chicken Wing赤鸡鸡翼皮脆肉嫩，肉汁爆棚。鸡皮带有炭火烤风味，鸡翼爱好者必点!✨Kabayaki Eel烤鳗鱼最考师傅处理细骨功力，而呢度嘅鳗鱼系食唔出半条细骨。鳗鱼厚身肥美，酱汁咸中带甜，一份够送两碗白饭。✨Grilled Pollock Roe Rice Ball咸鲜明太子混入饭团，再经烧烤令外层脆卜卜。第一次食烤饭团，非常惊喜!✨Daily Special - Him
外层炸粉酥脆，厚薄适中。 日本蚝大大只, 口感creamy又够蚝味。加上微酸酱汁, 食多几只都唔会腻。
✨ Signature Minced Chicken Stick
免治鸡肉混入咗鸡软骨，软糯又带点咬口。配日本生食级鸡蛋，味道甘甜。必食!
✨Kurobuta Pork Belly
黑豚五花腩肉卷到似日本叉烧，简简单单用盐同黑胡椒调味就带出左食材本身风味。肥瘦适中，带有微微焦香, 油脂感好平衡!
✨Beef Tongue
烧牛舌同样只用简单调味保留食材新鲜味道。更值得赞嘅系厚切既牛吞配合刚刚好既火候，烧出嚟软嫩、烟韧、弹牙。
✨Red Satsuma Chicken Wing
赤鸡鸡翼皮脆肉嫩，肉汁爆棚。鸡皮带有炭火烤风味，鸡翼爱好者必点!
✨Kabayaki Eel
烤鳗鱼最考师傅处理细骨功力，而呢度嘅鳗鱼系食唔出半条细骨。鳗鱼厚身肥美，酱汁咸中带甜，一份够送两碗白饭。
✨Grilled Pollock Roe Rice Ball
咸鲜明太子混入饭团，再经烧烤令外层脆卜卜。第一次食烤饭团，非常惊喜!
✨Daily Special - Himokawa Udon (Cold)
本身想试餐牌上另一款冷荞麦面，经店员推介叫左新推出白布乌冬。乌冬滑溜又弹牙，白布形状更易挂上冷面汁! 加埋超浓蛋香鹌鹑蛋，味道又多一番层次。
✨Grilled Pineapple
作为饭后果既烧菠萝，甜度极高，食完彷佛置身冲绳。
张贴
